عدلیہ آئین نا محافظ ءِ، غٹ آئین نادفاع و رکھ انا سوغند ہلکنو، جسٹس فائز عیسیٰ
اسلام آباد : سپریم کورٹ نا سینئر جج جسٹس قاضی فائز عیسیٰ پارینے کہ عدلیہ آئین نامحافظ ءِ، غٹ آئین نا دفاع و رکھ انا سوغند ہلکنو۔ سے شنبے نادے آئین پاکستان نا گولڈن جوبلی نا وخت آ قومی آئینی کنونشن آن تران کرسا اوپارے کہ تینا و تینا ادارہ نا کنڈآن او دا پاننگ خواہک کہ نن آئین نا کتاب اتون سلوک اُن، اللہ نا سیخاغان پد آئین ناکتاب نا سیخا ننا کاٹم تیاٹی ءِ و داننا درستی راستی ءِ، آئین پاکستان ہمووخت انا گچین مروک آ نمائندہ غاک امنائی وڑاٹ شین تسر و اونا منظوری ءِ تسر، نن اوڑا بایدے عمل کین۔ اوپارے کہ پارلیمان و بیوروکریسی نا مسخت مخلوق نا خذمت، عدلیہ نا کاریم آئین و کانود نا رداٹ فیصلہ کننگ، پارلیمنٹرینز آتا کاریم کانود جوڑ کننگ و ایگزیکٹیو نا کاریم او کانود نا رداٹ کارروائی کننگ ءِ۔ اوپارے کہ اودے گمر ءِ کہ اونا باوہ آل انڈیا مسلم لیگ نا سینٹرل ایگزیکٹیو کمیٹی نا باسک رہینگانے، کنا باوہ بلوچستان و خیبرپختونخوا ءِ پاکستان نا بشخ جوڑ کننگ اٹ تینا کڑد ءِ ادا کرے۔
(اے پی پی)