کچلاک واقعہ ٹی کارندہ غاتا شہادت اُست ہسونی اسے‘ فرح عظیم شاہ
Get real time updates directly on you device, subscribe now.
کوئٹہ : ترجمان حکومت بلوچستان گودی فرح عظیم شاہ پارینے کہ کچلاک اٹ سرچ آپریشن اٹی دہشتگرد آتا پولیس آ سم کاری ٹی 4 پولیس کارندہ شہید مسر۔ شہید آتیٹی علی اکبر، فیض محمد، محمد جاوید، و چنگیز خان اوار ءُ۔ دا واقعہ غا ڈکھ و افسوز نا درشانی ءِ کرسا او پارینے کہ دہشتگرد آک ڈکھوئی پولیس آ جلہو کریر۔ ہراڑا ورنا جوان ورندی کارروائی کریر۔ فورس آتا بھلو حوصلہ، جرت و عزم ءِ قوم سلام پیش کیک۔ ورندی کارروائی ٹی دہشتگرد آتا کہنگ نا ڈس ہم رسینگا۔ امن ایمنی کن پولیس نا بے مٹ قربانیک ءُ۔ شہید آک قوم تا فخر ءُ۔ قوم تینا بہادر آتون اوار سلوک مریرہ۔ شہید آتا درجہ غاتا گیشتری کن دعا کرینن۔
(خ ن)