ڈی سی آواران دو نیم سد اُرا غا راشن بشخ وپانٹ کرے
Get real time updates directly on you device, subscribe now.
آواران: وزیراعلیٰ بلوچستان نا کنڈآن فراوان کروک مفت راشن پیکج نا رداٹ ضلع آواران نا 2500 حقدار آ خاہوت آتیا راشن بشخ وپانٹ کننگ نا بنا ءِ کرے۔ کل تحصیل آتیٹی مفت راشن بشخ وپانٹ کننگ کن کمیٹی جوڑ کرینے۔ ہرا جوان وڑاٹ مہشون اس جوڑ کرسا راشن تے حقدار آتسکان سر کننگ اٹی ءِ۔ دا کل کاریم نا نگرانی ڈپٹی کمشنر آواران جمعہ داد خان تینٹ کننگ اٹی ءِ۔ وخت اس کہ اسسٹنٹ کمشنر آواران خسرو دلاوری لیویز انچارج منظور احمد لیویز انچارج صابر و لیویز انچارج امام بخش حقدار آ خاہوت آتیٹی راشن بشخ و پانٹ کرسا اونا مہشون ءِ جوڑ کننگ اٹی ءِ۔ بنائی مرحلہ ٹی پنچ سد خاہوت آتے راشن فراوان کرینے۔ پیکج اٹ اسہ اُرا نا کیہی دے انا راشن ساڑی ءُ۔
(خ ن)