وزیر خارجہ نا سعودی عرب و ایران نا سفیر تتون جتا جتا اوڑدہی
Get real time updates directly on you device, subscribe now.
اسلام آباد : وزیر خارجہ بلاول بھٹو زرداری پارینے کہ سعودی عرب ایران سفارتی تعلقداری تا بحالی ڈیہہ انا امن کن بھاز اہم ءِ‘ پاکستان ہڑتوم آ ملک آتتون کل بشخ آتے ٹی تینا تعلقداری تے اہمیت ایتک۔ وزیر خارجہ تون پاکستان اٹ سعودی عرب نا سفیر نواف بن سعید المالکی وزارت خارجہ اسلام آباد اٹ اوڑدہی کرے۔اوڑدہی ناوخت آ پاکستان و سعودی عرب نا نیام اٹ تین پہ تینی تعلقداری تا بابت ہیت وگپ کننگا۔داوخت آ وزیر خارجہ بلاول بھٹو پارے کہ پاکستان سعودی عرب تون تینا تعلقداری تے بھاز اہمیت ایتک۔ وزیر خارجہ اوڑدہی ٹی سعودی راہشون تیکن نیک انگا استخواہی تا درشانی کرے۔
(آن لائن)