”آدینک“ (نظم)۔
انگریزی: سیلویا پلیت براہوی بدل:عصمت بلوچ
Get real time updates directly on you device, subscribe now.
ای زرّ اسے اٹ ای راستکی اُٹ
کن تون ہچ مست انا خیال اف
ای انت اس خنو اودے زو زو کیدوہ
ای اودے ہمونا وڑ اٹ نشان ایتوہ
کنا راستگوہی اگہ کس ءِ دوست ءِ یا کس ءِ بد بریک، داڑان ہچ مفک
ای ظالم اس افٹ بیرہ راستکی اُٹ
یا بندغ آک پارہ کہ ای خدا نا چنکا خن اٹ
گیشتری ای دیوال آ ٹنگوک اُٹ مون پہ مون دیوال ءِ چڑہ خنوہ
دا گلابی رنگ انا سے، و چنکو چنکو ٹک بنوک ءِ
ای دا دیوال ءِ بھاز ہرے آن خننگ اٹ
کنا خیال آ دا کنا است انا بشخ اسے ولے دا گروشک ایتک
چہرہ غاک او تارمئیک جتا کیرہ
داسہ ای اسہ جل اسے آنبار اریٹ
اسہ زالبول اس کنے آن تینے خڑک کیک
او تینے کنے ٹی ہرک کہ جائی ای امر اٹ
پدا او دروغ نا گڑاتا پارہ غا کاہک، توبے یا موم بتی آ
ای اونا بج ءِ خنوہ اونا راستکی کنے آ پاش مریک
او کنے خڑینک نا ٹیکی ایتک و تینا دوتے خسک
ای اوڑکن المی اُٹ او بریک کاہک
ہر سہب انا دا اونا دروشم کہ او تارمئی ءِ بدل کیک
کنے ٹی اسہ ورنا ءُ مسڑ اس بڈ ہلکنے و پیر ءُ زالبول اس
کنے آن ڈن آ پیش تمک و اونا کنڈ آ کاہک
دے پدے خلیفوک آ مُچی نا وڑ اٹ
ہفتئی تلار
تاک: 11
19-13 فروری 2021ء
پنہ: 02