اسمبلی نا پرغنگ آن پد 90 دے اٹی گچین کاری کرفنگ آئینی زمواری ءِ، اسد عمر

لاہور : پاکستان تحریک انصاف نا سیکرٹری جنرل اسد عمر پارینے کہ آئین نا رداٹ گچین کاری تا اڈتننگ الیکشن کمیشن نا زمواری ءِ، زمواری پورو کپننگ نا نتیجہ ہم آئین اٹی لکھوک ءِ، لاہور ہائی کورٹ نا پیشن میڈیا تون گپ وتران اٹی اسد عمر پارے کہ او تینا نوشتہی ورندی ءِ جمع کرفتنے، آئین اٹی نوشتہ ءِ گورنر ءِ الیکشن نا تاریخ ءِ تروئی ءِ، ارٹ میکو او دے نگران کابینہ ءِ جوڑ کروئی ءِ۔ اسمبلی نا تحلیل آن پد 90 دے اٹی الیکشن کرفنگ آئینی زمواری ءِ۔ پی ٹی آئی راہشون پارے کہ تحریک انصاف آئین تون سلوک ءِ و الیکشن کن تیار ءِ۔ اسد عمر دا وخت آ کارندہ غاتے پارے کہ پی ٹی آئی نا مخلوق تینا حلقہ غاتیٹی گچین کاری مہم نا بناءِ کیر۔

(اے پی پی)