سعودیہ نا شام، ترکیہ تون کمک کن فضائی پول اس جوڑ کننگ نا پرمان
Get real time updates directly on you device, subscribe now.
ریاض : سعودی فرمانرواشاہ سلمان بن عبدالعزیز و ولی عہد شہزادہ محمد بن سلمان شاہ سلمان انسانی امداد و ریلیف مرکز(کے ایس آرای ایف) ءِ شام و ترکیہ ٹی زمی جمب آن زہمی علاقہ غاتیٹی دمدستی امداد تننگ کن اسہ فضائی پول اس جوڑ کننگ نا پارت کرینے۔ سعودی عرب نا سرکاری پریس ایجنسی (ایس پی اے) نا کنڈان جاری کروک بیان نا رداٹ دا فضائی پول انا کمک اٹ زمی جمب آن زہمی شامی و ترک الس ءِ طبی گڑا، دوائی، رہینگ انگ کن تمبو، خور انا گڑا تننگک۔ داکان بیدس دا لاجسٹک کمکاری ہم مہیا کیک۔ خادم الحرمین الشریفین و ولی عہد نا پارت آتیٹی ہڑتوم آملک آتیٹی زمی جمب آن زہمی بندغ آتیکن امداد کن ”سہیم“ پلیٹ فارم نا کمک اٹ اسہ مہم اسے نا اڈتننگ ہم اوار ءِ۔ ایس پی اے نا رداٹ شاہی دیوان نا سلاہکار و کے ایس ریلیف نا نگران اعلیٰ ڈاکٹر عبداللہ بن عبدالعزیز الربیعہ دا ہیت ءِ پک کرینے کہ دا امداد خادم الحرمین الشریفین و ولی عہد نا کنڈان شام و ترکی ٹی زمی جمب آن زہمی بندغ آتون مصیبت نا داساہت اٹی ہم کوپہ سلنگ نا است خواہی نا درشانی ءِ۔
(اے پی پی)