کوئٹہ بلدیاتی گچین کاری تا بابت صوبائی حکومت نا کمیٹی جوڑ

کوئٹہ : صوبائی الیکشن کمشنر فیاض حسین مراد پارینے کہ بلوچستان اٹی این اے 265 نا ضمنی گچین کاری تتون اوار مسہ وڑنا گچین کاری اڈ تننگ انگ ءِ، صوبہ ٹی بلدیاتی گچین کاری تا خورک مخصوص نشست آتیکن 56 یونین کونسل آتیٹی گچین کاری مننگ ءِ، پگہ بلدیاتی حکومت آتیکن صوبہ نا 30 ضلع غاتا چیئرمین وائس چیئرمین نا گچین کاری مریک۔ داخیال آتا درشانی ءِ او صوبائی الیکشن کمشنر نا این اے 265 کوئٹہ 2 ٹی ضمنی گچین کاری تا بابت میڈیا تون گپ وتران کرسا کرے۔ اوپارے کہ این اے 265 اٹی 393 پولنگ اسٹیشن ءُ، چار لکھ آن ود ووٹر ءُ، این اے 265 آ عدالتی حکم امتناع نا بابت درخواست آ الیکشن کمیشن نا لیگل ٹیم جاچ ءِ ہلنگ ءِ۔ ضمنی گچین کاری تیکن الیکشن کمیشن پورو وڑاٹ تیار ءِ، کوئٹہ ٹی بلدیاتی گچین کاری تا بابت صوبائی حکومت کمیٹی اس جوڑ کرینے۔ صوبائی حکومت شاری و خلقی آ علاقہ غاتا تعین ءِ کیک اوکان پد نن حلقی بندی تا بناءِ کینہ۔

(اے پی پی)