شام انا زمی جمب آن زہمی تیکن کمکی گڑا تا خصوصی جہاز دمشق آ راہی

0

Get real time updates directly on you device, subscribe now.

اسلام آباد : وزیراعظم نا پارت آ نیشنل ڈیزاسٹر مینجمنٹ اتھارٹی (این ڈی ایم اے) نا کنڈآن شام انا زمی جمب آن زہمی تیکن کمکی کھیپ ءِ خصوصی جہاز انا کمک اٹ دمشق آ راہی کننگا۔ کمکی گڑاتے ٹی تمبو و کمبل اوار ءُ۔ کمکی جہاز چارشنبے نا دے آ اسلام آباد بالی پٹ آن دمشق کن راہی مس، بنجائی وزیر رانا تنویر، چیئرمین این ڈی ایم اے لیفٹیننٹ جنرل انعام حیدر ملک و پاکستان اٹی شام انا سفیر اسک ہم بالی پٹ آ ساڑی ئسر۔ زمی جمب آن زہمی شامی ایڑھ ایلم تیکن پین کمکی گڑا زوت گدریفنگک۔ پاکستان نا کنڈآن مشکل نا داساہت اٹی شام ءِ ہرممکن کمکاری نا باوری کرفنگانے۔ کمکی گڑا تے شام اٹی تعینات پاکستان نا سفیر شاہد علوی دوئی کیک۔ داکان بیدس پین کمکی گڑا براستہ سڑک شام و ترکیہ کن زوت راہی کننگک۔

(اے پی پی)

Get real time updates directly on you device, subscribe now.

Leave A Reply

Your email address will not be published.