پولیو تور نا بابت پیدوار کمتی تے چٹفنگ نا گرج ءِ، شہک بلوچ

کوئٹہ : ڈپٹی کمشنر کوئٹہ شہک بلوچ پارینے کہ پولیو نا پورو چٹفنگ کن ہرا نزوری تے پیدوار کننگانے اوفتے چٹفنگ کن گام گیج کننگ المی ءِ تاکہ بروک آ پولیو تور مہم اٹ ہمو کمتی تے چٹفسا ہد ءِ پورو کننگ مرے۔ پولیو نارکھی پڑی تے ہر چنااسکان رسیفنگ ءِ پک کننگک تاکہ پنچ سال انا وئی انا کل چناتے دا ناچوڑ ناجوڑی آن بچفنگ مرے۔ دا خیال آتا درشانی ءِ او ڈسٹرکٹ ٹاسک فورس ای پی آئی نا جاچ دیوان ناوخت آ کرے‘ دیوان اٹ پی پی ایچ ائی، ڈبلیو ایچ او، یونیسیف وایلوتعلقدار ادارہ غاتا افسرآک ہم ساڑی ئسر‘ او پارے کہ پولیو تور مہم اٹ ٹرانزٹ پوائنٹ و سلوک چناتیا خصوصی چکار کننگے تاکہ پولیو وائرس ءِ تالان مننگ آن تننگ مرے‘ داڑتون اوار کیچ اپ مہم اٹ سلوک و نمن مروک باوہ لمہ غاتے منفنگ ہم بھاز المی ءِ۔ اوپارے کہ ضلعی انتظامیہ عزم کرینے کہ پولیو ءِ پورو وڑ اٹ چٹفنگ اسکان آرام اٹ تولپک۔ ڈپٹی کمشنر کوئٹہ پارے کہ پولیو نا چٹفنگ کن کل اسٹک ہولڈر آک اسیجائی اٹ کاریم کیر وخت اس کہ راج انا کل اکائی خاص وڑ اٹ باوہ لمہ غاتا زمواری ءِ کہ او تینا و ایلوفتا چناتے رکھی پڑی المی کنفر۔

(خ ن)