شرپسند آتا برخلاف بھلو سرسہبی دوئی کرینن، آئی جی پولیس بلوچستان

0

Get real time updates directly on you device, subscribe now.

کوئٹہ: آئی جی پولیس بلوچستان عبدالخالق شیخ و آئی جی ایف سی نارتھ محمد یوسف مجو کہ ناکماشی ٹی امن وایمنی نا جم حالیت آتا بابت دیوان اڈہلک‘ دیوان اٹ صوبہ ٹی آخبتی امن وایمنی کن آخبت نالائحہ عمل آ جم ہیت وگپ کننگا ودا رد اٹ کیہی اہم ءُ فیصلہ کننگا‘ داوخت آ پولیس و ایف سی نا بڑزکو تعلقدار افسر آک ساڑی ئسر‘دیوان ءِ امن وایمنی ناواقعہ غاتا سوب و کانود نافذ کروک ادارہ غاتا کنڈآن دا وڑ انا واقعہ غاتا توننگ کن کروک گام گیج آتا بارو اٹ جم بریفنگ تننگا‘ دیوان ءِ پاننگا کہ فورس و کانود نافذ کروک ادارہ غاک شرپسند آتا برخلاف بھلو سرسہبی دوئی کرینو و امن ءِ برجا تخانو‘ شریدار آتے پاننگا کہ بلوچستان پولیس پورو وڑ اٹ صوبہ ٹی امن وایمنی نا بحالی و امن ءِ برجا تخنگ کن سنبرینگوک ءِ‘ سیکیورٹی فورس آتا رابطہ و انٹیلجنس شیئرنگ آن نئے بیرہ صوبائی دارالحکومت بلکہ مچ آ صوبہ ٹی دہشت گردی نا واقعہ غاتا کچ اٹ نمان کمتی بسنے‘ دیوان اٹ تین پہ تینی استخواہی تاامور و تین پہ تین تون کمک ءِ ودفنگ آ جم ہیت وگپ کننگا‘ دیوان اٹ فورس آتا ہڑتوم آ سپہ سالارک بھلا عئید اتون اوار محرم الحرام و بروک آ یوم آزادی نا وخت آ سکیورٹی نا اسہ جم پلان اس تیار کننگ نافیصلہ کریر‘ ہڑتوم آ سپہ سالارک فورس آتا قربانی تا سفت ءِ کریر و پاریر پولیس، ایف سی نا ورناک تینا الس و ملک اکن ہر وڑ انا قربانی تسنو وداکان پد ہم ملک و قوم انا بقا کن قربانی تننگ آن تینے پدتوپسہ‘ اینو بلوچستان اٹ امن بسنے تو دا پولیس و ایف سی نا ورنا و افسر آتا قربانی تاسوب آن ءِ‘دیوان اٹ ایلو اہم فیصلہ غاتتون اوار دا گڑاغا ہم امنا کننگا و دا عزم انا درشانی کننگا کہ راج اٹ امن وایمن آن بیدس شونہالی نا مزل آ سر مننگ کپک انتئے کہ سوگو شونداری کن آخبتی امن بنداوی گرج ءِ‘ ہندا سوب آن فورس اک امن نا ضمانت جوڑ مرسا قربانی تننگ آن پدی مفک‘ دیوان اٹ دا یقین درشان کننگا کہ بھاز زو بلوچستان اٹ ٹیر یرزم نا ہند ءِ ٹوئریزم ہلیک و بلوچستان سیل سواتی ہند اسے نا وڑ ڈیہہ اٹ درست مریک۔

(خ ن)

Get real time updates directly on you device, subscribe now.

Leave A Reply

Your email address will not be published.