پی اے سی نا جسٹس (ر) جاوید اقبال ءِ اینو المی پیش مننگ نا پرمان

0

Get real time updates directly on you device, subscribe now.

اسلام آباد: پبلک اکاؤنٹس کمیٹی نا باسک آک حکومت آن پٹرولیم نا نہاد اٹ کمتی تا خواست کریر وخت اس کہ مسکوہی چیئرمین نیب جسٹس (ر) جاوید اقبال ءِ اینو پنچ شبنے آ امر کہ مرے دیوان اٹ پیش مننگ نا پرمان کریر‘ کمیٹی نادیوان چیئرمین نور عالم خان ناکماشی ٹی پارلیمنٹ ہاؤس اٹ اڈ ہلک‘ دیوان اٹ کمیٹی ناباسک‘ ایڈیشنل سیکرٹری وزارت خزانہ و ڈپٹی گورنر اسٹیٹ بنک تون اوار آڈیٹر جنرل و ایلو کمامدار آک بشخ ہلکر‘ کمیٹی مسکوہی چیئرمین نیب ناکنڈآن دیوان اٹ بفننگ نا خواست ءِ مستردکرسا اینو پنچ شنبے آ امر کہ مرے دیوان اٹ ساڑی مننگ نا پرمان کرینے‘ کمیٹی دیوان اٹ اسپیشل سیکرٹری خزانہ و گورنر اسٹیٹ بنک انا بفننگ آ ترند مرسا آخت اٹ دیوان اٹ دیوان اٹ بفروک افسر آتا تنخواہ تیان کل خڑچ آتے پورو کننگ نا پرمان کرینے۔ دیوان ناوخت آ چیئرمین کمیٹی پارے کہ مسکوہی چیئرمین نیب اناکنڈآن اسہ چٹھی اس رسینگانے ہراٹی پاننگانے کہ بھلا عئید انا سوب آن پی اے سی نا دیوان اٹ بشخ ہلنگ کپرہ‘ چیئرمین کمیٹی پارے کہ پی اے سی دا چٹھی ءِ مسترد کیک و پارت کیک کہ نیب کمامدار آک مسکوہی چیئرمین نیب ءِ دمدستی دمدستی آگاہ کیر کہ اینو پنچ شنبے نا دے مروک دیوان اٹ المی بشخ ہلے و نیب انا افسر آتا کل میرات آتا جم آتے ہم کمیٹی ٹی پیش کے‘اوپارے کہ بدبختی اٹ ملک اٹ بھلا ادارہ غاتا سروک آتا کنڈآن زیزاریفنگ نا واقعہ غاک مننگ اٹی ءُ ہراکہ اسُل سگنگ مفسہ۔ او پارے کہ دا کمیٹی الس ناویل آتیا گام گیج ہم کننگ کیک۔

(آن لائن)

Get real time updates directly on you device, subscribe now.

Leave A Reply

Your email address will not be published.