ڈپٹی کمشنر کوئٹہ،ایم پی اے احمد نواز بلوچ، اسسٹنٹ کمشنر سٹی نا سریاب نا دورہ

0

Get real time updates directly on you device, subscribe now.

کوئٹہ: ڈپٹی کمشنر کوئٹہ شہک بلوچ، ایم پی اے احمد نواز، اسسٹنٹ کمشنر سٹی، صدر و سریاب اٹی لوڑاپ آن زہمی علاقہ غاتا دورہ ءِ کریر و ہموڑے برجا کمکی کارروائی تا جاچ ءِ ہلکر، ڈی سی کوئٹہ نا خصوصی پارت آتے مون آ تخسا طوفانی پِر تیان زہمی علاقہ غاتیٹی ریسکیو و ریلیف آپریشن نن نیمہ اسکان برجا ئس وداوخت آ چندی علاقہ غاتیٹی راشن، ٹینٹ و ایلو ہڑدے ئی گڑاتا کاریم اٹ اتنگ نا گڑاتے زہمی تیٹی بشخنگا، ڈپٹی کمشنر کوئٹہ شہک بلوچ پارے کہ طوفانی پِر تیان سریاب ڈویژن غٹ آن زیات زہمی مسنے وخت اس کہ ضلع کوئٹہ ءِ آفت زدہ گوندسا کمکی کارروائی تے پین ترند کننگانے۔ اوپارے کہ آفیسر آک دے و نن زہمی تا کمک اٹ لگوک ءُ بھلو حداسسکان زہمی خاہوت آتے ریلیف فراوان کننگانے وخت اس کہ چندی اُراک زہمی مسنو کوشست ءِ اسہ بندغ اس ہم بیدس چھت آن خاچپ، اے سی سٹی فاروق عبداللہ، اسپیشل مجسٹریٹ سلمان بلیدی ئسک دے ٹکی بائی پاس و کیبی، اے سی صدر نقیب اللہ کاکڑ کلی بنگلزئی، اے سی سریاب نثار احمد لانگو گوہر آباد و ایلو علاقہ غاتیٹی زہمی تیٹی کمکی گڑا بشخار۔

(اے پی پی)

Get real time updates directly on you device, subscribe now.

Leave A Reply

Your email address will not be published.