وزیر اعلیٰ بزنجو تون وزیر اعظم اے جے کے نا اوڑدہی

0

Get real time updates directly on you device, subscribe now.

اسلام آباد :وزیر اعلیٰ بلوچستان میر عبدالقدوس بزنجو وزیراعظم آزادکشمیر سردار تنویر الیاس خان نا خصوصی سلہ غا اونا ہنکین اٹ اوڑتون اوڑدہی کرے‘ اوکان گڈ صدر آزاد جموں کشمیر بیرسٹر سلطان محمود و وزیراعلیٰ گلگت بلتستان بیرسٹر خالد خورشید ہم اوڑدہی ٹی شریک مسر‘ اوڑدہی نا وخت آ بلوچستان، آزادکشمیر و گلگت بلتستان نا نیام اٹ ہم آہنگی نا شوندری کن گام گیج آتیا سلابت کننگا‘ وزیراعلیٰ بلوچستان دا وخت آ مقبوضہ کشمیر اٹ برجا انسانی حق آتا خلاف ورزی تیا گڑتی درشان کرے وخت اس کہ صدر و وزیراعظم آزاد کشمیر اسک پاریر کہ کشمیری تا منزل الحاق پاکستان ءِ ہرانا دوئی کننگ اسکان جہد برجا سلک۔ وزیراعظم آزاد کشمیر پارے کہ نن آزادکشمیر اٹ بلوچستان و جی بی ہاؤس جوڑ کننگ کن تیار ان وخت اس کہ وزیراعلیٰ بلوچستان ہم بلوچستان اٹ جموں وکشمیر و جی بی ہاؤس جوڑ کننگ ناپڑو کرے۔ داوخت آ وزیراعلیٰ گلگت بلتستان ہم پارے کہ جی بی ٹی بلوچستان و جموں وکشمیر ہاؤس جوڑ کینہ‘ اوڑدہی ٹی امنا کننگا کہ ہر مسٹ آ علاقہ غاتے ٹی سرکاری ہاؤس جوڑ مننگ آن ہم آہنگی ودک‘ وزیراعلیٰ بلوچستان نا سلاہ غا ہڑتوم آ صوبہ و ٓزاد کشمیر نا طالب علم و گوازی گر تا دورہ کن دمدستی گام گیج کننگ نافیصلہ کننگا۔

(خ ن)

Get real time updates directly on you device, subscribe now.

Leave A Reply

Your email address will not be published.