وزیر اعلیٰ بلوچستان نا پر تیان مروک نسخان تا رد اٹ گام گیج نا پارت

0

Get real time updates directly on you device, subscribe now.

کوئٹہ: وزیراعلیٰ بلوچستان میر عبدالقدوس بزنجو پِر تیان مروک جانی و مالی نسخان تا رد اٹ گام گیج کرسا محکمہ آبپاشی و ڈپٹی کمشنر کوئٹہ ءِ جنگی بنداو آ آ لوڑاپ نا کسر و ڈورتیا جوڑ تجاویزات آتے چٹفنگ ناپرمان کرے‘تدوک آ دے وزیراعلیٰ بلوچستان میر عبدالقدوس بزنجو پِر آن مروک جانی ومالی نسخان تا رد اٹ اہم گام گیج کرسا وزیراعلیٰ محکمہ آبپاشی و ڈی سی کوئٹہ ءِ تجاوزات آتے چٹفنگ نا پرمان کریے وپارت کرے کہ تجاوزات جوڑ کروک آتابرخلاف کانودی کارروائی کننگے۔ محکمہ آبپاشی تجاوزات آتے چٹفنگ کن بھلا مشنری و ڈی سی کوئٹہ فورس فراوان کے کارروائی نابابت چیف سیکرٹری و وزیراعلی سیکرٹریٹ ءِ آگاہ کننگے۔ وزیراعلیٰ بلوچستان محکمہ آبپاشی و ضلعی انتظامیہ ءِ بند انگا ڈورتا سَفائی نا آپریشن نا بناکننگ نا پارت ہم کرے وپارے کہ محکمہ خزانہ ڈور تاسَفائی کن درکار فنڈ جاری کے‘ بروک آ پِر آن مست ڈورتا سَفائی و تجاوزات آتے امر کہ مرے چٹفنگے۔ تجاویزات آتا زموار آتا سوب آن لس شاری تا جان ومال ءِ خطرہ ٹی شاغنگ کپنہ۔ وزیراعلیٰ بلوچستان محکمہ آبپاشی و ضلعی انتظامیہ غان پاش ڈور تیا تجاویزات و پلازہ جوڑ کننگ آ ترند مرسا پارے کہ گڑا شار ءِ وارث اف کہ ہر ارٹمیکو بندغ تجاوزات آتا دھندہ نازموار ءِ‘تعلقدار محکمہ و ادارہ غاک تینا اتھارٹی ءِ برجاتخر تو کس اس تجاوزات جوڑ کننگ نا ہمت کننگ کپک‘ کانود نا بالادستی و عملداری ءِ امر کہ مرے برجا تخنگے۔کوئٹہ تون اوار صوبہ نا ایلو علاقہ غاتے ٹی پِر انا ایلو چر آن مست رکھی تدبیر تیا عملدرآمد ءِ پک کننگے‘ تعلقدار ضلع غاتا انتظامیہ سروے کرسا نسخان تا حساب ءِ خلے‘ سروے نا رد اٹ زہمی تا نسخان تے پورو کننگک۔

Get real time updates directly on you device, subscribe now.

Leave A Reply

Your email address will not be published.