پاک یو اے ای نا تعلقداریک ایلمی آ تالان ءُ، صادق سنجرانی
فلسطینی و کشمیری تیا برجا بربریت نا برخلاف پبی توار بڑز کننگ نا گرج ءِ،چیئرمین سینیٹ
Get real time updates directly on you device, subscribe now.
اسلام آباد: چیئرمین سینیٹ پارینے کہ پاکستان و متحدہ عرب امارات نا تدوک آ پنچ دہائی آن خڑکی ایلمی تعلقداری ءِ، ہرا اسیجائی قدر و دودوربیدگ تون گنڈوک ءِ، پاکستان متحدہ عرب امارات تون اسیجائی مفاد نا غٹ بشخ آتیٹی تینا تعلقداری تے پین سوگو کننگ کن سنبرینگوک ءِ، فلسطینی و کشمیری تیا برجا بربریت نا برخلاف پبی توار بڑز کننگ نا گرج ءِ۔ داخیال آتا درشانی ءِ او پنچ شنبے نادے آ متحدہ عرب امارات نا سفیر حما دعبید ابراہیم الزابی تون اوڑدہی ٹی کرے ہرا چیئرمین سینیٹ تون پارلیمنٹ ہاؤس اٹی اوڑدہی کرے۔ اوڑدہی ٹی ہڑتوم آ ملک آتا نیام اٹ ایلمی تعلقداری تون اوار تین پہ تینی است خواہی نا امور آ ہم سرجم گپ وتران مس۔ چیئرمین سینیٹ پارے کہ پاکستان و متحدہ عرب امارات نا تدوک آ پنچ دہائی آن خڑکی ایلمی تعلقداری ءِ، ہرا اسیجائی قدر و دودوربیدگ تون گنڈوک ءِ، پاکستان متحدہ عرب امارات تون اسیجائی فائدہ نا غٹ بشخ آتیٹی تینا تعلقداری تے پین سوگو کننگ کن سنبرینگوک ءِ، ہڑتوم آ ملک آتا نیام اٹ تین پہ تینی واپار ءِ ساڑی آ کہول آن پین ودفنگ مریک۔ صادق سنجرانی پارے کہ متحدہ عرب امارات اٹی رہینگوک آ پاکستانیک اسہ میرات اسے ءُ ہرا ہڑتوم آ ملک آتا شونداری ٹی اہم ءُ کڑد اس ادا کننگ ءُ، ہڑتوم آ ملک آتا نیام اٹ قابل تجدید توانائی، واپاری، صنعتی، بنداوی پنجر نا شونداری نا بشخ آتیٹی کمکاری نا بھلو گمان اس ساڑی ءِ، متحدہ عرب امارات اٹی رہینگوک آ پاکستانی اسہ میرات اسے ءُ ہرا ہڑتوم آ ملک آتا شونداری ٹی اہم ءُ کڑد اس ادا کننگ ءُ، فلسطینی و کشمیری تیا برجابربریت نا برخلاف پبی توار بڑز کننگ نا گرج ءِ۔ اوپارے کہ متحدہ عرب امارات دے ٹک نیامی ٹی پاکستان نا غٹ آن بھلا واپاری شریدار و زرکاری نا اسہ بھلو ذریعہ اسے، ہڑتوم آ ملک آتا نیام اٹ داسہ ہم زرگزرانی کمکاری نا بھاز زیات گنجائشت ساڑی ءِ۔ داوخت آ متحدہ عرب امارات نا سفیر ساڑی حکومت نا کنڈآن بناکروک پاکستان نا شونداری آ تالان اقتصادی پالیسی تا ستاءِ کرے۔
(اے پی پی)