ننا حکومت ورنا تے روزگار تننگ آ باور کیک، میر قدوس بزنجو

کوئٹہ: وزیراعلیٰ بلوچستان و چیئرمین بلوچستان کوسٹل ڈویلپمنٹ اتھارٹی میر عبدالقدوس بزنجو ناکماشی ٹی بی سی ڈی اے نا گورننگ باڈی دیوان اڈ ہلک‘ وزیراعلیٰ ویڈیو لنک آ دیوان ناکماشی ءِ کرے‘ دیوان اٹ بی سی ڈی اے نا گورننگ باڈی نا باسک آتتون اوار ایلو تعلقدار کمامدار آک بشخ ہلکر‘ دیوان ءِ سیکرٹری ماہی گیری کاظم حسین جتوئی و ڈی جی بی سی ڈی اے ناکنڈآن ایجنڈا پوائنٹ آتیا بریفنگ تننگا‘دیوان اٹ 2012 آن 2017 اسکان کنٹریکٹ نا بنداو آ بھرتی مروک 28 ملازم ءِ پکا کننگ نا فیصلہ کننگا‘ دیوان اٹ امنائی اٹ فیصلہ کننگا کہ ضابطہ غان چَپ بھرتی کروک افسر وکارندہ غاتا برخلاف کارروائی کننگک دیوان اٹ فیصلہ کننگا کہ کرکی پٹی نا ہفت ہند آتیا پی پی پی موڈ آ ریزورٹس جوڑ کننگک و اوفتا مینجمنٹ و فعالی ءِ ہم پی پی پی موڈ انا رد اٹ ہم کننگ‘ دیوان اٹ بی سی ڈی اے ملازم آتے یوٹیلیٹی الاؤنس تننگ نابابت سمری راہی کننگ نا پارت کننگا‘ دیوان آن تران کرسا وزیراعلیٰ پارے کہ بی سی ڈی اے کرکی شونداری نا بابت جوان ءُ ادارہ اسے‘ ننا کاریم فیصلہ کننگ ءِ و نن ہر فیصلہ ءِ صوبہ نا شونداری کن کننگ خوانہ۔ بی سی ڈی اے ٹی غیرکانودی بھرتی کروک آتا زموار تا برخلاف کارروائی کینہ نن کس ءِ بے روزگار کننگ خواپنہ ہرا ملازم آتے کنٹریکٹ نا بنداو آ بھرتی کننگا اوفتے پکا کننگ نا نن فیصلہ کرینو انتئے کہ ننا حکومت روزگار نا فراوانی آ باور کیک۔ او پارے کہ بلوچستان نا 770 کلومیٹر بھلا کرکی پٹی ماہی گیری و سیل سوات نا شونداری کن اہم ءِ۔ بی سی ڈی اے ٹی پین گچینی اتنگے ہراڑکن گورننگ باڈی نا کل باسک آک اتھارٹی نا گچینی کن تینا تینا ان پٹ ایتر‘ دیوان اٹ کرکی پٹی آ مخلوق نا آسراتی کن وزارت پٹرولیم ناکنڈآن 11 ہندآ پٹرول پمپ وایلو المی آسراتی تا فراوانی آ پیش رفت نا جاچ ءِ ہم ہلنگا وخت اس کہ دیوان اٹ بی سی ڈی اے ءِ کرکی پٹی آ 9 ہند آ مسافر آتے بنداوی آسراتی تا فراوانی نابابت شونداری ڈٹ آتے ٹینڈر آتے زوت جاری کننگ ناپرمان کننگا۔

(خ ن)