عدالت آتیٹی آمریت نا کسر ءِ توننگ نا جیرت اف، مریم نواز

ہراتم چیف جسٹس نا پژہ غاتیٹی ہلکر گرار، او وخت آ جج آتے یلہ کرفنگ کن دیر مونی بسوسس؟ سینئر نائب صدر مسلم لیگ

0

Get real time updates directly on you device, subscribe now.

راولپنڈی:  مسلم لیگ ن نا سینئر نائب صدر و چیف آرگنائزر مریم نواز پارینے کہ عدالت آتے ٹی آمریت نا کسر ءِ توننگ نا جیرت اف بلکہ اوفتے کمک تسنو، ڈکٹیٹر آتے ہراتم ہم کشار تو وکیل والس کشا‘ عدالت آتا زور بیرہ گچین مروک حکومت و وزیراعظم تیا چلینگک؟ ننا ا نظام عدل داسہ ہم فیض حمید و اوناکمکار آتا دوٹی ءِ‘ آئین اٹ نوشتہ ءِ کہ گچین کاریک وخت آ مریرہ و نن ہم ہندا پانہ کہ گچین کاریک وخت آ مریرہ۔ چیف جسٹس ہمووخت آ انتئے جذباتی متو ہراتم کنے دزگیر کننگا‘ گچین مروک وزیراعظم ءِ کشنگا‘ ای خلپرہ توہین عدالت خلوئی ءِ تو خلبو۔ راولپنڈی اٹ وکلاء کنونشن آن تران کرسا مریم نواز پارے کہ پاکستان ءِ جوڑ کروک و پاکستان ءِ بچفوک آتیا بسونٹ‘ نما وکیل آتا سوب آن ننا جماعت آ ہچ زہم مننگ کپک‘ وکیل آک ننا گمر ءُ‘ نوازشریف آ دروغ نا مقدمہ جوڑ کننگا ولے نن ہر دروغ نا مقدمہ تون مون تسر‘ نن ہر پیشی آ عدالت آتا مون آ پیش مسن و وکیل آک نن تون یکجہتی نا درشانی کریر‘ وکیل آک دا جہد اٹ نواز شریف و سیاسی راہشون تتون اوار مسنو‘ ہراتم کل آن بھلا عدالت نا چیف جسٹس ءِ پژہ غاتے ٹی ہلسا گرنگا ہمو وخت آ جج آتے بچفنگ کن دیر بس۔ مریم نواز پارے کہ ہمو وخت آ ہم عدلیہ ءِ ڈکٹیٹر آن بچفنگ کن الس نا نمائندہ نواز شریف بس‘ عدلیہ و جج آک بحال مسر‘ نن تون فواد چوہدری والا ٹرک اف‘ نن تون آئین، کانود و مہر والاٹرک ءِ۔ نن لیگ تون رانا ثنا، عطا تارڑ، طلال چوہدری و محسن رانجھا کون ءُ وکیل ارے۔ پاکستان نا 76 سال انا تاریخ اٹ 40 سال آمریت مسنے۔ اسہ گچین مروک وزیراعظم اس ہم تینا وخت ءِ پورو کتنے‘ 4 ڈکٹیٹر بسر ہرافک دھڑکو اٹ دَہ دَہ سال اقتدار اٹ مسر۔

(آن لائن)

Get real time updates directly on you device, subscribe now.

Leave A Reply

Your email address will not be published.