چین اتون شریداری ءِ پاکستان اٹ سیاسی مخ تفی دوئی ءِ، احسن اقبال

بیجنگ: بنجائی وزیر ڈٹ بندی پروفیسر احسن اقبال پارینے کہ چین اتون سنگتی و سٹریٹجک شریداری ءِ پاکستان اٹی بھلو سیاسی مخ تفی اس دوئی ءِ۔ داخیال آتا درشانی ءِ او چارشنبے نادے آ بیجنگ اٹی منسٹر فار انٹرنیشنل ڈیپارٹمنٹ آف کمیونسٹ پارٹی آف چائنا مسٹر لیوجیان چاوتون اوڑدہی ٹی کرے۔ اوچین نا پرامن عروج و اقتصادی شونداری ٹی سی پی سی نا کڑد انا ستا ءِ کرے وخت اس کہ سالانہ اِرا دیوان تا سرسہب اڈتننگ آ مبارکبادی پیش کرے۔ بنجائی وزیر بیلٹ اینڈ روڈ انیشی ایٹیو، گلوبل ڈویلپمنٹ انیشی ایٹو، گلوبل سیکورٹی انیشی ایٹو کون آ گام گیج آتا بناءِ کننگ آ صدر شی نا وژن ءِ خراج تحسین پیش کرے۔ بنجائی وزیر احسن اقبال نومبر 2022 اٹی وزیراعظم شہباز شریف نا بیجنگ نا سرسہب دورہ نا حوالہ ءِ ترسا ہڑتوم آ فریق آک چین اٹی پاکستانی ورنا سیاسی راہشون و کسبی بندغ آتا خصوصی تربیت نا کمک اٹ کاریم نا کچ اٹی ودکی کن آئی ڈی سی پی سی نا مخ تفی نا وڑوڈول آتیا کاریم کننگ و سی پی سی نا گورننس ماڈل آ آزموندہ غاتا شریداری اٹ امنا ہم کریر وخت اس کہ خلقی شونداری، ورناتے واکدار کننگ، نیزگاری نا چٹفنگ، اقتصادی شونداری، ٹیکنالوجی نا کاریم اٹ اتنگ، برآمد آتیٹی ودکی و صنعت کاری آ ہم امنا کریر۔ او ہڑتوم آ کنڈآتا تعلقداری تے پین سوگو کننگ کن گپ وتران و کمکاری ءِ برجاتخنگ کن مسٹر لیوجیان چاونے ءِ پاکستان نا سلہ ہم خلک۔ وخت اس کہ مسٹر لیوجیان سی پیک ءِ سرسہب جوڑ کننگ اٹ احسن اقبال نا کمکاری نا ستاءِ کرے۔

(اے پی پی)