پیٹرول نا بہا کننگ اٹ برجامالی سال انا اولیکو 9 تُو اٹی 16 درسد کمتی
Get real time updates directly on you device, subscribe now.
اسلام آباد: ملک اٹی پیٹرول نا بہا کننگ اٹ برجامالی سال انا اولیکو 9 تُو اٹی سالانہ بنداو تیا 16 درسد نا کمتی ریکارڈ کننگانے۔ پاکستان بیورو شماریات و انڈسٹری نا حساب وکتاب نا رداٹ جولائی آن مارچ 2023 اسکان نا مد اٹی ملک اٹی 5.59 ملین ٹن پیٹرول نا بہا ریکارڈ کننگا ہرا تدوک آ مالی سال انا ہندا مد انا مقابلہ ٹی 16 درسد کم ءُ۔ تدوک آ مالی سال انا ہندا مد اٹی ملک اٹی 6.68 ملین ٹن پیٹرول نا بہا کننگ ریکارڈ کننگاسس۔ مارچ اٹی ملک اٹی 0.56 ملین ٹن پیٹرول نا بہا ریکارڈ کننگا ہرا تدوک آ سال مارچ انا مقابلہ ٹی 28 درسد کم ءُ۔ تدوک آ سال مارچ اٹی ملک اٹی 0.77 ملین ٹن پیٹرول نا بہاریکارد کننگاسس۔ فروری نا مقابلہ ٹی مارچ اٹی ملک اٹی پیٹرول نا بہا کننگ اٹ ماہانہ بنداو تیا اسہ درسد نا نمو ریکارڈ کننگانے۔ فروری ٹی ملک اٹی 0.55 ملین ٹن پیٹرول نا بہا کننگ مون آ بس ہرا مارچ اٹی ودسا 0.56 ملین ٹن مس۔
(اے پی پی)