منی لانڈرنگ کیس، تحریم الٰہی ناعبوری ضمانت اٹی 28 اپریل اسکان ودکی

لاہور: لاہور ناسیشن عدالت ایف آئی اے منی لانڈرنگ نا مقدمہ ٹی مسکوہی بنجائی وزیر مونس الٰہی نا اُرائی تحریم الٰہی تون اوار ایلو نہہ دوبہ دارآتا عبوری ضمانت اٹی 28 اپریل اسکان ودکی کرے۔ عدالت جاست وپاستی آفیسر ءِ مہلت ترسا بروک آ سماعت آ پورو رپورٹ جمع کرفنگ نا پرمان کرے۔ ایڈیشنل سیشن جج غلام رسول ہفت دوبہ دار آتا عبوری ضمانت آتیا چارشنبے نادے آ سماعت کرے۔ عدالتی سماعت آ مونس الٰہی نااُرائی تحریم الٰہی، راسخ الٰہی، زارا الٰہی، احمد فاران، مجاہد اسلام، صیغم عباس تون اوار پین نہہ دوبہ دار آتا عبوری ضمانت نا معیاد پورو مننگ آ عدالت اٹ پیش مسر و تیناحاضری ءِ خلفیر۔ سماعت اٹی جاست وپاستی آفیسر جاست و پاست ءِ پورو کننگ کن پین مہلت تننگ نا خواست کرے و موقف اختیار کرے کہ دوبہ دار آتا منقولہ و غیر منقولہ جائیداد و اکاؤنٹ آتا سرجم آتے یکجا کروئی ءِ۔ عدالت جاست وپاستی آفیسر ءِ مہلت ترسا بروک آ سماعت آ پورو رپورٹ جمع کرفنگ نا پارت کرینے۔

(اے پی پی)