کورونا غان زہمی و شکبر آتا فاطمہ جناح ہسپتال اٹ ٹیلاپ گڑتی ناسوب
Get real time updates directly on you device, subscribe now.
کوئٹہ (آن لائن) فاطمہ جناح ہسپتال اٹ کورونا غان زہمی و شکبر ناجوڑ آتا وارڈ آن پیشن چرینگ نا سوب آن کورونا نا پین تالان مننگ نا گڑتیک ودی مسنو‘ علاقہ ناعلاقہ آئی جی پولیس تون اوار سیکرٹری جانجوڑی آ رپورٹ راہی کرے۔ رپورٹ نا رد اٹ فاطمہ جناح ہسپتال اٹ کورونا غان زہمی و شکبر ناجوڑآتا دانگ اینگ چرینگ نا سوب آن وائرس ناپین تالان مننگ نا گڑتیک اریر‘ فاطمہ جناح ہسپتال غان خڑک بروری تھانہ رپورٹ ءِ آئی جی پولیس تون اوار بڑزکو کمامدار آتیا راہی کرے‘ ننکان وارڈ اٹ ڈاکٹر، نرسنگ اسٹاف وایلو کارندہ غاک ساڑی مفسہ ہندا سوب آن کورونا نا شکبر ناجوڑآک دانگ اینگ چرینگرہ‘ منہ ناجوڑ نا ننکان اُراغا ہننگ و سہب انا پدی وارڈ اٹ بننگ نا پت پاش مسنے‘ ہسپتال اٹ ناجوڑ آک مجلس کیرہ‘ تدوک آ دے ہم اِرا شکبر ناجوڑ نرنگ نا کوشست کریر ہرافتے دوارہ وارڈ آ گدریفنگا‘ رپورٹ نا رد اٹ پولیس ءِ وارڈ اٹ پترینگ نا موکل اف‘ طبی کارندہ غاک ساڑی مفہ ہرانا سوب آن سما تمپک کہ وارڈ آتے ٹی ناجوڑ آتا کچ اخس ءِ۔ ننکان ڈاکٹر و نرسنگ اسٹاف ءِ وارڈآتے ٹی تعینات کننگانے تاکہ پولیس نا کمک مننگ کے۔