صحافت نا آجوئی آ باور کینہ‘ سوگو آ جمہوریت کن دا المی ءِ‘ ڈاکٹر ناشناس لہڑی

0

Get real time updates directly on you device, subscribe now.

کوئٹہ (آن لائن) بلوچستان نیشنل پارٹی (عوامی) نا بنجائی انفارمیشن سیکرٹری ڈاکٹر ناشناس لہڑی جہانی یوم صحافت نارد اٹ تینا بیان اٹ پارینے کہ نن صحافت نا آجوئی آ باور کینہ‘ سوگو آ جمہوریت کن صحافت نا آجو مننگ المی ءِ‘ نن جمہوریت نا پیروکار ان و الس نا آسودہی کن جہد کننگ اٹی ان‘ آئین پاکستان اٹ نوشت‘ تران نا آجوئی نا ضمانت تننگانے‘ ہندا سوب آن بی این پی (عوامی) مہالوہم صحافت نا آجوئی نا مخ تف ئس واینو ہم ارے‘ صحافت نا آجوئی نا جہد اٹ نن صحافی تتون تفوک ان‘ راج اٹ صحافت نا اہمیت آن کس اس نمن مننگ کپک بلکہ اگہ دا پاننگے کہ دنیا نا ترند آ شونداری ناصحافتی نا کڑد ارے تو دانا ہم غلط مفک‘ صحافت نا راج اٹ مدامی کڑدار اہم مسنے‘ اخبار و صحافت اینو ناپوسکن آدور اٹ ہم تینا ہند ءِ سوگو کرینے۔ بی این پی (عوامی)صحافت ناجہانی دے آ صحافت ناشہید آتے خیسن سلام کیک‘ دا وخت آ صحافت ءِ کیہی مشکل آک مون تروک ءُ‘ ہندا سوب آن بنجائی حکومت ریاست نا چارمیکو تمبہ نا اہمیت وفائدہ ءِ مون آ تخسا صحافت نا آجوئی‘ صحافت ناشونداری و صحافی تے مون تروک ویل آتے ایسر کننگ کن جوان ءُ پالیسی جوڑ کے۔ بنجا ناکنڈآن 25درسَد ریجنل نیوزپیپرز کوٹہ ءِ دوارہ بحال کننگے۔

Get real time updates directly on you device, subscribe now.

Leave A Reply

Your email address will not be published.