حکومت کورونا نا توننگ نا بابت سنجیدہ اف، مولانا عبدالحق ہاشمی
Get real time updates directly on you device, subscribe now.
کوئٹہ(آن لائن)امیر جماعت اسلامی بلوچستان مولانا عبدالحق ہاشمی پارینے کہ نئے حکومت کورونا وائرس تون مون تس و نئے دا بابت حکومت سنجیدہ ءِ‘ بیرہ پڑو و بے عمل پیکیج آتے ٹی الس نا ٹھپ آتے درمان کننگ مفک۔ دیانت داری وایمانداری بنداوی شڑت ءِ ہراکہ حکومت تون اف۔ بدبختی اٹ حکمران آتا لٹ وپل نا سوب آن حکومت نا ہر کاریم اٹ وڈی خوری‘ تینائی گری لس مسنے ہرانا سوب آن حکومت آ پت کننگ مفک۔ حکومتی کہول آ بایدے دیانتدار ایماندار آفیسر و بیوروکریسی نا است بڈی ءِ کننگے تاکہ انصاف نا خواست آک پورو مننگ کیر والس ءِ اوفتا رواانگا حق آک رسینگ کیر۔ جماعت اسلامی، الخدمت فاﺅنڈیشن رنگ ونسل نا فرق آن بیدس ڈکھیا انسانیت نا خذمت ءِ کننگ اٹی ءِ۔ الخدمت ءِ وسیلہ تننگ ناگرج ءِ تاکہ زیات آن زیات بندغ آک فائدہ ہرفنگ کیر۔ حکومتی کہول آ زکواة وبیت المال فنڈآتے ٹی ارب آروپئی تا کرپشن سوجی ٹک اسے‘ او پارے کہ کورونا ءِ توننگ کن 18می ترمیم اڑاند اف اصل اڑاند حکومتی نابودی‘ وڈی خوری و وزیراعظم عمران خان نا بے کنڈ سیاسی میزائل خسنگ نا حکمرانی نا وڑءِ۔ بنجا صوبہ غاتتون تعلقداری تے جوان کننگ نا جاگہ غا صوبہ غاتتون جنگ کننگ نا پالیسی آ عمل کننگ اٹی ءِ۔ آئین نا روح ءِ امنا کننگے‘ صوبہ غاتا وتواجہی نا حق آتے سرفنگپ۔