احساس پروگرام نا رد اٹ راشن و نغد پیسہ تننگ جوان ءُ گام اسے‘بی اے پی منگچر

منگچر(پ ر) کوروناوائرس نا رد اٹ لاک ڈاﺅن اٹ مچ آ بلوچستان اٹ احساس پروگرام نا رد اٹ راشن و نغد پیسہ تننگ جوان ءُ گام اسے‘ وزیراعلیٰ بلوچستان جام کمال عالیانی و وزیرداخلہ بلوچستان میرضیاءاللہ لانگو نا کوشست آک ستا کڑزرہ۔ دا خیال آتادرشانی ءِ بلوچستان عوامی پارٹی نا راہشون ماما خان محمد نیچاری، انجینئر ریاض لانگو، ترجمان بی اے پی کوٹ لانگو عنایت بابر، ڈاکٹر ذوالفقارعلی نیچاری، محمد عارف لانگو، بابو جمعہ خان نیچاری، وڈیرہ جمعہ خان لانگو، حاجی یوسف لانگو، سیف اللہ نیچاری، میرتیمورخان نیچاری، محمدعلی لانگو، علی اکبرجتک وایلوفک تینا بیان اٹ کرینو‘ او پارے کہ وزیراعلیٰ بلوچستان جام کمال خان عالیانی، صوبائی وزیرداخلہ بلوچستان میرضیاءاللہ لانگو ہلہلہ ئی حالیت آتے ٹی دے ونن الس ناخذمت کن کوشست کننگ اٹی ءُ‘ تاکہ لاک ڈاﺅن اٹ الس ءِ زیات آن زیات ریلیف رسینگ کے۔او پاریر کہ بلوچستان اٹ تاریخ اٹ اولیکو وار ساف شفاف وڑ اٹ پیسہ تننگ انگ ءِ ہراڑان کس اس نمن مننگ کپک۔