گرین بیلٹ اٹ ملخ آتا جلہو بھسکاری کرینے‘سردار مفتی محمدوزیرالقادری

کوئٹہ (آن لائن) جماعت اہلسنت پاکستان نا بنجائی نائب صدر چیف آف ہانبھی سردارمفتی محمد وزیر القادری پارینے کہ گرین بیلٹ اٹ ملخ آتا جلہو بھسکاری کرینے‘ زمیندار آتا تیار انگا فصل خولم و سوزیک بھس مننگ اٹی ءُ‘ داسکان حکومتی گام گیج آ خننگپسہ‘ ملخ آک لکھ آتا کچ اٹ دوارہ جلہو کننگ اٹی ءُ‘ ہندی زمیندار آتا لکھ آ روپئی تا نسخان مننگ اٹی ءِ‘ صوبائی حکومت ناکنڈآن داسکان ملخ آتے خلنگ کن اسپرے مفننگ ءِ‘ اسپرے نا پرمانک بیرہ اخبار تسکان ءُ وخت اس کہ ملخ آک لکھ آتا کچ اٹ تیار انگا فصل آتے بھس کننگ اٹی ءُ۔ او پارے کہ ہمسائے ملک آک لکھ آتا کچ اٹ گرین بیلٹ انا کیہی شار تے تینا پلویڑ اٹ ہلکنو ہرانا سوب آن زمیندار آتا تیار انگا فصل آتون اوار درخت آتے ہم نسخان رسیفسا سوزی تے نسخان رسیفنگ اٹی ءُ۔ صوبائی حکومت ملخ آتابابت دمدستی سنجیدہ گام گیج کے۔