صحافیک قلم ءِ واک جوڑ کرسا مدام امن کن کمک کرینو‘حافظ محمدقاسم کاکڑ
Get real time updates directly on you device, subscribe now.
تمبو (آن لائن) ڈپٹی کمشنر نصیر آباد حافظ محمد قاسم کاکڑ صحافت نا جہانی دے آ پارینے کہ ہر سال 3مئی ءِ جہانی کہول آ اڈ تننگ نامسخت صحافت نا آجوئی نا اہمیت ءِ لس کننگ و سلاہ نا آجوئی ءِ برجا تخنگ ءِ‘ صحافی برادری سخت ومشکل حالیت آتے ٹی ہم تینا زمواری و نیک انگا مسخت ءِ پورو کیرہ‘ او تینا انفرادی وجم کوشست وجہد اٹ بندغ آتا توار ءِ نئے بیرہ ایوان تسکان سر کیرہ بلکہ ویل ومشکل آتے ایسرکننگ کن ہروخت متحرک مریرہ۔ ڈپٹی کمشنر نصیرآباد صحافتی زمواری تا وخت آ شہید مروک صحافی تے خراج عقیدت پیش کرسا پارے کہ صحافت نابشخ اٹ اوفتا کاریمک پوسکن آ صحافی تیکن کسر نا ڈیوان ءُ ہراکہ ہر گام آ اوفتا راہشونی ناسوب جوڑ مریرہ۔ او پارے کہ صحافیک مدام قلم ءِ واک اس جوڑ کرسا امن کن کمک کرینو۔