کورونا نا پت پاش

کورونا سازش نا ڈٹ ڈَول اسرائیل اٹ سجفنگا، ہراٹی کہ امریکہ برطانیہ و انڈیا نا بھلا شیطانی دماغ آک ساڑی ئسر۔ سعودی عرب نا معلومدار آتا رد اٹ داٹی ایران نا اودیم باسک آتتون اوار اوار قادیانی تا باسک آک ہم ساڑی ئسر۔

دا سازش اٹ روس و چین ءِ اوار کتوس۔ انتئے کہ روس و چین انا چندی مسلمان ملک آتتون بھاز جوان ءُ تعلقداری اس ارے۔ دا سازش ءِ مسلمان تا برخلاف اڈ تننگاسس۔

دا ڈٹ ڈَول نا رد اٹ مچ آ دنیا نا میڈیا ایہن ہم تو یہودی تا دوٹی ئس، ہندا سوب آن تو میڈیا نا کمک اٹ دا دروغ نا وائرس نا پروپیگنڈا ءِ کننگ نا زمواری ءِ چین آ شاغار۔ تانکہ امریکہ و اسرائیل نا کڑدار آ کس شک کپ۔ دا وائرس نا بنا ءِ ہم چین آن کننگا۔

چین انا بنجائی حکومت ءِ دا معاملہ غان بے سما تخسا چین انا شار ووہان نا انتظامیہ و ڈاکٹر آتے کروڑ آ ڈالر آتیٹی بہا اٹ ہلکر۔ رشوت نا پیسہ رسینگ انگ آن گڈ دافک چارما کنڈ کوک و واتوڑ ءِ بنا کریر۔ کہ اوفتا شار اٹ اسہ دین اس تالان مسنے، ہراڑان کہ بندغ آک زیان مننگ ءُ۔ چین انا بنجائی حکومت دادے اسہ راستکی اس تکا، او مچ آ شار اٹ لاک ڈاﺅن کرے۔ داسہ نئے تو کس دا شار اٹ ہننگ کریکہ، نئے داڑان پیش تمنگ کریکہ۔

ووہان شار انا ڈاکٹر آک ہر ناجوڑی نا ناجوڑ ءِ کسفنگ ءِ بنا کریر، اوفتا کوک واتوڑ ئس کہ ہزار آ بندغ آک زیان مسر، چنکا زکام و کلہ نا ناجوڑ آتے زور اٹ وینٹی لیٹر آتیا تخار و کسفیر۔

چین انا ایلو شار تیٹی ہم یہودی تا ایجنٹ آ ڈاکٹر آک ہم ہندا وڑ اٹ چندی بندغ آتے کورونا نا ناجوڑ نشان ترسا اوفتے دا کوڑی آن موکل کرفیر۔ داسہ داڑتون اوار امریکہ نا دروغ تڑ آ میڈیا ہم دروغ نا حوال آتے چلیفے کہ چین آن بروک آ بندغ آک اوفتا ملک اٹ کورونا نا ناجوڑی ءِ سر کرینو۔ ہنداخہ سے ٹی چین انا انٹیلی جنس ادارہ غاک اصل راستکی نا معلومداری ءِ کریر۔

ووہان انتظامیہ وہسپتال آتیٹی یہودی ایجنٹ آتے دزگیر کرسا اوفتے سزائے موت تسر۔ داکان گڈ اوفک ووہان شار آن لاک ڈاﺅن ءِ چٹفیر۔ مچ آ شار ءِ ملار، داکان پد اوڑے کورونا نا پین ناجوڑ ارے، نئے کہ پین ناجوڑ کزیت کریر۔ ولے امریکہ و اونا کمکار آتے ہرا ہیلہ درکار ئس، او اوفتے رسینگا۔ امریکہ و یورپ نا ملک آک ہم لاک ڈاﺅن ءِ بنا کریر۔ ہڑدے دروغ اٹ تینا ملک اٹ کہوک آتا بارو اٹ بھاز بھلو دروغ گوئی اس بنا کریر۔ کہ فلانی ملک و فلانی شار اٹ داخہ سد بندغ اینو کورونا غان کسکر۔

داسہ لاک ڈاﺅن ئس، اُرا تیان کس پیش تمتوکہ، کہ دیر کاہے ہسپتال آتے ہُرے کہ اخس ناجوڑ اریر، اخس کسکر۔

ننے کل ءِ دا سما ءِ کہ مچ آ دنیا نا کاروبار یہودی تا دوٹی ءِ، مچ آ دنیا نا دولت آ اوفتا کوزہ ءِ۔ دنیا ٹی بھلا ارب پتیک دیر ءُ؟ بل گیٹس آنبار یہودیک ءُ، یا انیل امبانی آنبار انگا بخال آک ءُ۔ فیس بک نا مالک ہم یہودی اسے، دا کل اسہ وار اتون کوک و واتوڑ کننگ ءُ۔ ایلو پارہ غا قادیانیک ہم اوفتتون گام پہ گام سلوک ءُ۔ مچ آ دنیا ٹی بالی جہاز آتا کمپنی تے ارب آ ڈالر آتے تسر ، کہ نما نسخان ءِ نن پورو کینہ، نم بس جہاز آتا ہن بر ءِ توربو۔

امریکہ و یورپ تینا دفتر، کاروبار تے بند کریر۔ ولے ننے سما ءِ کہ اوفتا حکومت آک تینا راج انا مخلوق ءِ اُرا ٹی تولوک تنخواہ تننگ ءُ۔ انتئے؟ انتئے کہ یہودی اوفتے ارب آ ڈالر آتے تننگ ءِ۔ دا کل حالیت اٹ دیر زیات زہمی مننگ ءِ؟ دانا گواچی مروک آک سویلی امریکہ نا غریب ملک آک۔ افریقہ نا ملک آک و مسلمان ملک آک۔ ہندا سوب آن عمران خان ءِ شک ہرفے، تو او دیکی ملک (امریکہ و یورپ) آتیان خواست کرے کہ غریب آ ملک آتا وام تے بشخبو۔ اگہ امریکہ یورپ یا آئی ایم ایف داخس مخلص مسرہ مخلوق کن است ہشارہ تو اوفک دا وخت اسکان غریب ملک آتا وام تے بشخارہ۔ ولے اوفک اسُل دن کپسہ۔ انتئے کہ اصل اٹ سازش مچ ہندادے۔ روس داکان مست دا سازش اٹ اوار اَلو۔ روس آن اسہ دے اس ہم کورونا نا ناجوڑ اس مون آ بتویسس۔ نئے اوفتا کہنگ نا خبر اس بسکہ۔ ولے یہودیک روس انا صدر پیوٹن ءِ ہم تینا پت اٹ ہلکر۔ روس اکن چیچنیا نا مسلمانک کاٹم نا خل/ ئسر۔ ہراتم او پہہ مس کہ دا سازش نا پد انت مرو ءِ، تو او ہم اوفتتون اوار مس۔ داسہ نم تینٹ بنگرے کہ روس اٹ ہم دے انا ہزار آ بندغ آک کہنگ ءُ۔

سندھ حکومت انا ہیت مرے تو او مدام درملکی تا دو انا سیخا ٹی مسنے، ہندا سوب آن مچ آ ملک اٹ کل آن مست او لاک ڈاﺅن نا پڑو ءِ کرے۔ یہودی تا زبان اٹ راج انا مخلوق ءِ دھڑکو تس خلیفے۔ پاکستان نا حکومت دا مچ آ گواچنی ءِ خننگ ءِ، ولے او بیوس ءِ۔ ننا مچ آ ملک اٹ بلکن مچ آ دنیا ٹی اسہ بندغ اس ہم اف کہ او قسم کنے پاہے کہ اﺅ ای کورونا نا ناجوڑ اس خنانٹ، یا اودے کہنگ آ خنانٹ۔

پاش ءُ ہیت اسے کہ اگہ دن مرے تو کل ءِ سما تمک دا کل دروغ اریر۔ ننے سما ءِ کہ امریکہ و یورپ نا ڈاکٹر آک وار وار آ پاننگ ءُ کہ کورونا نا ہچ ءُ درمان اس اف۔ اوفک ہندا سوب آن دن پارہ کہ ہچ ءُ وائرس اس اف۔ اگہ مسکہ تو اونا درمان ہم مسکہ۔

ہندن داسہ دروغ نا حوال چلیفنگ ءُ کہ امریکہ و یورپ اٹ کورونا نا درمان نا ویکسین جوڑ مننگ ءِ۔ نم بنگرے کہ چین آن ہم دن ءُ حوال اس بسنے۔ چین ہمو ملک ءِ کہ ہرا دنیا نا ہر گڑا ءِ جوڑ کیک، ہر دارو ءِ جوڑ کیک، گڑا او کورونا نا ویکسین ءِ انتئے جوڑ کپک۔ انتئے کہ وائرس مرے تو چین ہم ویکسین ءِ تے جوڑ کے۔ چین ءِ داسہ دانا راستکی نا سما تمانے۔ اصل اٹ داسہ دن مریک کہ منہ وخت آن گڈ امریکہ پڑو کیک کہ کورونا نا ویکسین جوڑ مسنے، دروغ تڑ آ میڈیا نا کمک اٹ دانا بارو اٹ بھلو کوک و واتوڑ اس مریک۔ اسہ دروغ تڑ ءُ یہودی سائنسدان اسے نوبل انعام ہم ایتور کہ او دا دارو ءِ جوڑ کرینے۔ ولدا ویکسین نا پن اٹ دا دارو ءِ مچ آ دنیا ٹی تالان کرور۔ امریکہ و یورپ اٹ دا دارو نرینہ ئی آ طاقت کن کاریم اٹ برو ءِ، ولے ایشیائ، افریقہ و سویلی امریکہ نا مخلوق اٹ ہرکس دا دارو ءِ کنو ءِ تو او نزور مرو ءِ۔ دانا مسخت ہندادے کہ نرینہ نا چنا ودی کننگ نا لائخی ءِ چٹفنگے۔ اگہ اوفتے اولیاد مرے ہم تو اوفک جانی وڑ اٹ معذور مریر۔ اگہ دا چین متو تو ایلو بروک آ چین امر کہ مرے بنٹول مریک۔ امریکہ یورپ و کینیڈا نا مسلمان تے ہم ہمو دارو ءِ تننگو ءِ کہ ہراڑان اوفتا چین کم مرے۔

انتئے کہ امریکہ و یورپ تینا ملک آتیٹی باہوٹ مروک آ مسلمان تیان بیزار مسنو۔ داسہ اوفتیان تینا جان ءِ خلاس کننگ خوارہ۔ داکان مست ہم یہودی و قادیانی تا پاننگ آ یورپ امریکہ و اقوام متحدہ مسلمان تا آبادی ءِ کم کننگ کن چندی کوشست آتے کرینو۔

قادیانی تا کمپنی شیزان نا گڑا تیٹی ہندن ءُ دارو اوار کریرہ، ولے ہراتم مسلمانک دادے پہہ مسر تو اوفک شیزان نا گڑا تا بائیکاٹ ءِ کریر۔ ولدا آئیوڈین والا بے تیٹی ہم کوشست کریر،و لے مسلمان تا زی آ دانا ہچ ءُ زہم اس متو۔ ہندن پولیو نا پڑی تیٹی ہم نسل کشی نا دارو تے اوار کریر۔ ولے اوفتا دا سازش ہم بے پڑدہ مس۔ اوفک بے سہب مسر۔

داسہ ہر کنڈ آن بے وس مننگ آن گڈ دا جہانی واکدار آک دا بھلا گوازی ءِ بنا کریر۔ ولے ننا مسلمان تا پکا ایمان ءِ کہ یہود و ہنود نا ہچ ءُ سازش اس سرسہب مفرو ءِ۔ ولے داسہ اوفتیان بھلو ردینک اس مس کہ او تینا مون سٹی لاک ڈاﺅن کریر۔ داسہ مسلمانک لاک ڈاﺅن آن فائدہ ہرفسا آبادی ءِ تینا زیات کیر۔

مسلمانک ہمت کیر، کورونا وائرس و یہودی سازش ءِ بے سہب کیر۔

ہفتئی تلار

06-12 June 2020

تاک، 22

پنہ : 05