مزدور(نظم)۔
حمید عزیز آبادی
Get real time updates directly on you device, subscribe now.
وطن زیبا ءِ پُر نور ءِ
وطن نا شان مزدورءِ
سلام ءِ اونا ایمان ءِ
کہ دنیا اوڑ احیران ءِ
ہُرک نی جیرت ءِ اونا
امر دا مَش تے پِرغانے
دا طاقت اونا دستور ءِ
وطن زیبا ءِ پُر نور ءِ
ارے خید اٹ زباد اونا
وطن کُل جائیداد اونا
کرینے جِک او ماڑی تے
ولے نک ءُ شپاد اونا
سفا بے وس ءِ مجبور ءِ
وطن زیبا ءِ پُر نور ءِ
حقیت نا دا فریاد ءِ
جہان اوڑان آباد ءِ
او کُل ءِ پُچ و باخو تِیک
مگر لُوچ اونا زیزاد ءِ
پا منصف انتئے مغرور ءِ
وطن زیبا ءِ پُر نور ءِ
سڑک نا زی آ خل کُٹّک
یا کولابڈّ اٹی کشّک
وطن اوڑن امر خوش مف۔؟
کہ خیداٹ روزی ءِ کَٹّک
حقیقت اونا منشور ءِ
وطن زیبا ءِ پُر نور ءِ