الیکشن کمیشن نا دیوان، سپریم کورٹ فیصلہ نا رد اٹ سلاہ
ڈی جی لاء نا کنڈآن سپریم کورٹ نا فیصلہ غا بریفنگ تس، تعلقدار ونگ آک گچین کاری تیاری تا بارو حوال تسر
Get real time updates directly on you device, subscribe now.
اسلام آباد : الیکشن کمیشن صدر مملکت، گورنر خیبرپختونخوا تون دوارہ سلاہ کننگ و وزارت داخلہ، وزارت دفاع و وزارت خزانہ ءِ ہم چٹھی راہی کننگ نا فیصلہ کرینے‘ حوالی نا رد اٹ سپریم کورٹ نا کنڈآن الیکشن کمیشن ءِ 90 دے اٹ کے پی کے و پنجاب نا گچین کاری کرفنگ ناپرمان آ الیکشن کمیشن نا اہم ءُ دیوان اس چیف الیکشن کمشنر نا کماشی ٹی اڈہلک دیوان اٹ سپریم کورٹ نافیصلہ غا سلابت کننگا‘حوالی نا رد اٹ دیوان اٹ کمیشن نا باسک آک‘،سیکرٹری وایلو تعلقدار ونگ انا کمامدار آک ساڑی ئسر وخت اس کہ دیوان اٹ ڈی جی لاء نا کنڈآن سپریم کورٹ نا فیصلہ غا بریفنگ تننگا‘ دیوان اٹ تعلقدار ونگ آک گچین کاری تا تیاری تا بارو اٹ ہم بریفنگ تسر‘ دیوان اٹ صدر مملکت عارف علوی و گورنر خیبرپختونخوا تون صوبائی الیکشن نابابت سلابت ءِ دوارہ بنا کننگ نا فیصلہ کننگانے۔ حوالی نا رد اٹ الیکشن کمیشن مستی فیصلہ کننگ کن اہم سلابتی دیوان اس اینو ہم بٹنگانے‘ دیوان ناکماشی ءِ چیف الیکشن کمشنر کیک وخت اس کہ ایلو صوبہ نا باسک آک ہم ساڑی مریرہ‘ دیوان اٹ سپریم کورٹ نا فیصلہ نا رد اٹ پین اہم ءُ فیصلہ کننگک۔
(آن لائن)