قائد اعظم یونیورسٹی نا ہاسٹل آتے خالی کننگا

اسلام آباد : بنجائی وزیر داخلہ رانا ثناء اللہ خان پارینے کہ تعلیمی باندات آتیٹی اڑاند آتے سگپنہ، قائد اعظم یونیورسٹی انتظامیہ نا درخواست آ شرپسند زموار آتا برخلاف مقعدمہ ہم نوشتہ کننگانے، اسپیشل پولیس فورس تعلیمی ادارہ غاتیٹی تعینات کننگک تانکہ رکھ تعلیمی سرجزآک برجاسلنگ کیر۔ چارشنبے نادے آ تینا اسہ بیان اسے ٹی بنجائی وزیر رانا ثناء اللہ خان پارے کہ قائد اعظم یونیورسٹی ہاسٹل ءِ خورک کرفنگا ہراڑکن یونیورسٹی انتظامیہ پولیس نا کمک دوئی کرے۔ یونیورسٹی انتظامیہ و لمہ و باوہ وخت آ کارروائی آ بنجائی وزیر داخلہ رانا ثناء اللہ خان و اسلام آباد کیپیٹل پولیس نا منت واری ءِ ہرفیر۔ وزیر داخلہ رانا ثناء اللہ خان پارے کہ تعلیمی ادارہ غاتیٹی سیاست نا موکل تفنہ۔ تعلیمی باندات آتیٹی اڑاند آتے سگپنہ۔ تعلیمی ادارہ غاتا فضا ءِ پٹ وپولی و تخلیقی امور کن سازگار جوڑ کننگک۔ اوپارے کہ پرتشدد واقعہ غاتا حوصلہ شکنی ءِ کننگک۔ اسلام آباد کیپیٹل پولیس نا انسداد انتہاپسندی یونٹ ایلو تعلیمی ادارہ غاتون رابطہ ٹی ءُ، و دورہ کننگ اٹی ءُ۔

(اے پی پی)