برجاسال انا خراج ہدف ءِ پورو کرین، سینیٹر محمد اسحاق ڈار

اسلام آباد : بنجائی وزیر خزانہ سینیٹر محمد اسحاق ڈار پارینے کہ فیڈرل بورڈ آف ریونیو (ایف بی آر) برجاسال انا خراج ہدف ءِ پورو کرینے، فروری ٹی 527 ارب 20 کروڑ روپئی خراج جمع کننگا، وخت اس کہ فروری 2022نا مقابلہ ٹی خراج ریونیو ٹی 17 درسد ودکی مسنے۔ داخیال آتا درشانی ءِ او چارشنبے نادے آ تینا ٹویٹ اٹی وزیر خزانہ اسحاق ڈار اللہ نا شکر ءِ ادا کرسا پارے کہ الحمداللہ، ایف بی آر فروری 2023ء نا خراج ریونیو ہدف ءِ پورو کرینے۔ اوپارے کہ فروری ٹی 527 ارب 20 کروڑ روپئی خراج جمع کننگا، وخت اس کہ فروری 2022نا مقابلہ ٹی خراج ریونیو ٹی 17 درسد ودکی مسنے۔ اوپارے کہ جم وڑاٹ، ایف بی آر برجامالی سال انا اولیکو 8 تُو تیٹی 4،493 ارب روپئی یکجا کرے وخت اس کہ تدوک آ سال انا ہندا وخت اٹی دا کچ 3،820 ارب روپئی ئسک۔ اوپارے کہ تدوک آ سال انا مد ہراٹی سال بہ سال 18 درسد ودکی مسنے۔ ایف بی آر مالی سال 23 نا مسٹ میکو سہ ماہی ٹی متاثر کن کارکڑد ءِ نشان تننگ برجاتخانے ہراکہ نظرثانی مروک 7640 ارب روپئی نا سالانہ بجٹ ریونیو نا ہدف ءِ دوئی کننگ کن تینا عزم ءِ پاش کیک۔

(اے پی پی)