یونان اٹی 2 ریل انا ڈوک لگنگ آن 26 بندغ زوال، 85 ٹھپی

ایتھنز : یونان اٹی 2 ریل آتا ڈوک لگنگ آن 26 بندغ زوال و 85 ٹھپی مسنو۔ سعودی میڈیا نا رداٹ یونانی کمامدارآک پاریر کہ شکست دارالحکومت ایتھنز و تھیسالونیکی شار تا نیام اٹ ہمووخت آ پیش بس ہراتم اسہ مسافر بردار ٹرین اس، مال بردار ٹرین اسے تون ڈوک لگا، ہراڑان ٹرین نا چندی بوگیک پٹڑی آن دڑنگار و اوفتے ٹی خاخر لگا۔ شکست اٹی 26 بندغ زوال و 85 ٹھپی مسنو۔ لاریسا نا ہسپتال کمامدارآتا پاننگ ءِ کہ 85 ٹھپی مروک آتیان 25 نا حالیت نازرک ءِ۔ فائر بریگیڈڈ یپارٹمنٹ نا ترجمان ویسیلیس ورتھاکوئیس پارے کہ گاڈی تیان مخلوق ءِ کشنگ نا چرجوئی برجاءِ ولے خاخر نا سوب آن مشکل آتا مون تروک ءِ۔ کارروائی ٹی چندی ایمبولینس آک بشخ ہلنگ اٹی ءُ۔ تھیسیلی نا گورنر کوستس ایگوریتس پارے کہ ٹرین اٹی 350 مسافر سوار ئسر، ہرانا مون آ بشخ پورو وڑاٹ بھس مسنے، اوپارے کہ شکست نا سوب آن ٹرین سروس ءِ ہم معطل کننگانے۔

(اے پی پی)