رزاق صابر(برج میزان)

شاہین بارانزئی

0

Get real time updates directly on you device, subscribe now.

 

پروفیسر ڈاکٹر عبدالرزاق صابر برج ”میزان“(Libra)، استار ”زہرہ“ (Venus)، منطقہ البروج ”7“، دروشم ”ترازو“، کلید وجود ”محبت، دوستی، فنکاری“، مزاج ”بادی“، پیشن نا ہزوہ ”مخ“، تہہ انا ہزوہ ”بک“، ہجی حرف آک ”ت، ٹ، ر، ط“، تعلقدار برج آک ”جوزا، دلو“، مخالف برج آک ”حمل، سرطان، جدی“، بے کنڈ ہلوک برج آک ”ثور، حوت“ ودی دے ئی عدد ”1“، مرکب عدد ”28“، لائف پاتھ عدد”3“ ءِ۔

پروفیسرڈاکٹر عبدالرزاق صابر (10 اکتوبر 1954ء) برج ”میزان“ ءِ۔ دا بنیادی وڑ اٹ انسان ذات ءِ فائدہ تروک ءُ برج اسے۔ ذہین، شونداری نا خواہندار، مزاج اٹی محبت کروک مریک۔ برج ”میزان“ نا خواجہ حساس مریک، شونداری و سرسہبی کن مدام نت دو خلوک مریک، دوستی ٹی کچ آن گدرینگوک و طب اٹی حساس مریک۔ ایلوفتیان زو متاثر مریک، اصول آتا پابند۔ ولے مزاج تصوراتی مریک و عمل آن زیات سوچک۔ مُستین آ غور و فکر کروک تینا آخبت نا بارو اٹ جوان فکر و سوچ تخک۔ تینا چاگڑد ءِ جوان جوڑ کننگ کن کوشست کروک، فارغ وخت اٹی زیات سوچ خلوک مریک، ولے تینا منشا ءِ اولیت ایتک۔

فلکیات نا چاہوک آتارد اٹ برج ”میزان“ کن ”حمل، سرطان، دلو“ بھاز جوان ءُ دوست مننگ کیرہ۔ ”اسد، عقرب، قوس“ دوست تو مننگ کیرہ ولے بھاز خڑک انا دوست مننگ کپسہ۔ ”حمل، سرطان، جدی“ برج آک ہچ وڑ اٹ اونا قابل اعتماد دوست مننگ کپسہ۔ اُست اٹی کھوٹ مریرہ، اونا سرسہبی و شونداری دوئی کننگ آن خوش مفسہ۔

برج (میزان) تون ہرا برج آک موافق مزاج ءُ اوفتے ٹی ”جوزا، دلو“ ساڑی ءُ۔ مطلب کہ برج ”میزان“ نا خواجہ ءِ برج ”جوزا“ و برج ”دلو“ نا بندغ آتیان ہچ ءُ خطرہ اس اف، اوفتا خیال آتے ٹی اسٹی مریک۔ وخت اس کہ برج ”ثور“ و برج ”حوت“ آن اودے نئے خُلیس اس مننگ کیک نئے کہ اوڑتون ہم خیال مننگ کیک۔ ولے برج ”حمل“، برج ”سرطان“ و برج ”جدی“ آن اودے تینا خیال تخوئی مریک۔ انتئے کہ دا برج آک اونا برج (میزان) نا مخالف ءُ۔

برج ”میزان“ کہ اونا دورانیہ ”22 ستمبر آن 22 اکتوبر“ اِسکان ءِ۔ دا برج انا ایلو براہوئی زبان نا شاعر و ادیب آتے ٹی پروفیسر طاہرہ احساس جتک (16 اکتوبر 1955ء) وملک محمد اکرم مینگل (10 اکتوبر1964ء) اسک اوار ءُ۔

پروفیسرڈاکٹر عبدالرزاق صابر نا ودی دے ئی عدد ”1“ ءِ۔ عدد ”1“ مچ آ عدد آتا بنداو ءِ۔ دا عدد ”دے“ کن کاریم اٹ اتنگک، دا عدد ہر ہمو گڑاکن کاریم اٹ اتنگ مریک ہرا تخلیقی، انفرادی و مثبت مرے۔ نومرالوجسٹ آتا رد اٹ دا ودی دے ئی عدد نا رد اٹ خواری کش و مدام سرسہبی و شادامی کن کوشست کروک و منفرد مزاج مریک۔ دانشور ی اونا خمیر اٹی ساڑی، کتاب آتا مطالعہ اونا جوان اِنگا مشغولی ءِ۔ ارادہ غاتا سوگو، مستقل مزاج مریک۔ کماشی نا لائخی تخک۔ پنی آ اردو ناول نگار بانو قدسیہ (پنی آ ناول راجہ گدھ نا تخلیق کار)، پنی آ شعر پاروک عطاء اللہ عیسی ٰ خیلوی و پنی آ مذہبی اسکالر علامہ طاہر القادری اس تا ودی دے ئی عدد ہم ”1“ ءِ۔

پروفیسرڈاکٹر عبدالرزاق صابر نا لائف پاتھ عدد ”3“ ءِ۔

(10+10+1+9+5+4=21–2+1=3))

دا اُست مشغولی (Entertainer) نا عدد اسے۔ تخلیق و تخیل نا زبردست ءُ عدد اسے۔ دا عقل پسند، تخلیقی لائخی، زندگانی تو ن مہر کروک ءُ عدد اسے۔ دا لائف پاتھ نا بندغ آک مالی سوگو مننگ کیرہ، خوش بخت، خوشی اٹ زند ءِ تیر کیرہ، ذہنی وڑ اٹ تیز مریرہ۔ سیل و سواد نا شوقی مریرہ۔ دا ارے کہ دافتے ٹی تحمل مچٹ کم مریک۔ پاکستان نا پنی آ کامیڈین معین اختر نا لائف پاتھ ”3“ ئس۔

پروفیسرڈاکٹر عبدالرزاق صابر نا مرکب عدد ”28“ ءِ۔

(Razzaq Sabir 2+1+7+7+1+1=19– 3+1+2+1+2=9– 19+9=28)

علم الاعداد نا چاہندار آتا رد اٹ دا اسہ غیر مواق ءُ عدد اسے۔ کانودی معاملہ غاتا کمک اٹ دا نسخان نا نشانی ءِ۔ دا طلاق نا ہم عدد ارے۔ دا عدد ہندا پاہک کہ بندغ آتیا زیات اعتبار کننگ جوان اف۔

ہفتئی تلار
تاک: 37
10-02 اکتوبر 2021ء
پنہ: 08

Get real time updates directly on you device, subscribe now.

Leave A Reply

Your email address will not be published.