عمران خان نا سرسہبی نا نوٹیفکیشن ءِ توننگ نا درخواست ءِ پدی ہلنگا
Get real time updates directly on you device, subscribe now.
اسلام آباد : الیکشن کمیشن اٹی ضمنی گچین کاری تیٹی تحریک انصاف نا چیئرمین عمران خان نا سرسہبی نا نوٹیفکیشن ءِ توننگ نا درخواست ءِ پدی ہلنگا۔ سے شنبے نادے آ الیکشن کمیشن اٹی چیف الیکشن کمشنر سکندر سلطان راجہ نا کماشی ٹی بنچ کیس انا سماعت ءِ کرے۔ درخواست گزار موقف اختیار کرے کہ عمران خان نا سرسہبی نا نوٹیفکیشن جاری مسنے، درخواست اٹی ترمیم نا موکل تننگے، ہراڑا بلوچستان آن ممبر پارے کہ درخواست گزار درخواست ءِ پدی ہلسا نوٹیفکیشن ءِ چیلنج کے۔ چیف الیکشن کمشنر پارے کہ نوٹیفکیشن ءِ چیلنج کننگ نا درخواست ءِ اینو ہی دائر کے ہراڑا درخواست گزار ضمنی گچین کاری تیٹی عمران خان نا سرسہبی نا نوٹیفکیشن ءِ توننگ نا خواست ءِ پدی ہلک۔ یات سلے کہ توشہ خانہ کیس اٹی نابودی نا سوب آن نوٹیفکیشن ءِ توننگ نا خواست کننگاسس۔
(اے پی پی)