امن و ایمنی ٹی لیویز فورس نا اہم ءُ کڑد اسے‘ ڈی سی حب

حب:  ڈپٹی کمشنر ضلع حب زاہد خان لیڈاآڑیٹوریم اٹ لیویز فورس نا دربار آن تران کرسا پارینے کہ لیویز فورس ءِ ساڑی گرج آتون مون تننگ کن پروفیشنل فورس اس جوڑ مننگ کن ورنا تے ٹریننگ تروئی تمک۔ آخبت اٹ لیویز نا ورنا پروفیشنل و ٹریننگ کروک آ فورس انا وڑاٹ مون آ برسا مون آ بریک۔ ضلع حب اٹ مثالی ءُ امن اسے نا بحالی ٹی لیویز نا جوان ءُ کڑد اسے۔ ڈپٹی کمشنر پارینے کہ مثالی امن انا سوب آن صنعت کار سرمایہ کاری کن ضلع حب ءِ اولیت ایتنہ۔ ڈسٹرکٹ ایڈمنسٹریشن ضلع ٹی امن و ایمنی ءِ اسہ وڑ تخنگ کن جامع سیکورٹی اس پلان جوڑ کرے۔ کل کانود نافذ کروک آ ادارہ غاتا نیام اٹ جوان ءُ کوآرڈیشن جوڑ ءِ۔ دربار اٹ لیویز فورس ورنا تا پروموشن کیس و ایلو ویل آتا ایسری نا بابت فیصلہ کرے۔

(خ ن)