آب اٹنگا طبی آسراتیک الس نا بنداوی حقءُ، چیف سیکرٹری بلوچستان

کوئٹہ : چیف سیکرٹری بلوچستان عبدالعزیز عقیلی نا کماشی ٹی اڈ ہلوک دیوان اٹ صوبہ نا سرکاری ہسپتال آتیٹی طبی آسراتی تا فراوانی، ڈاکٹر، طبی کمامدار آتا ساڑی گری و ایلو ویل آتا جاچ ءِ ہلک۔ دیوان اٹ سیکریٹری جانجوڑی صالح ناصر، کمشنر کوئٹہ ڈویڑن سہیل الرحمن بلوچ، پی پی ایچ آئی بلوچستان نا کماش اسفندیار بلوچ وخت اس کہ ڈپٹی کمشنر و ڈی ایچ او بزریعہ وڈیو لنک بشخ ہلک۔ دیوان آن تران کرسا چیف سیکرٹری پارینے کہ آب انا طبی آسراتی تسکان سر مننگ اُلس نا بنداوی حق ءِ۔ و ننا ہم کوشست مرے کہ اُلس ءِ جانجوڑی نا کل آب اٹ انگا آسراتی تے فراوانی کننگے۔ چیف سیکرٹری پارت کرے کہ کل ڈپٹی کمشنر آک تینا ضلع غاتا ضلعی ہیڈ کوارٹر ہسپتال آتا دورہ ءِ کرسا کے و غیر حاضر ڈاکٹر و ایلو غیر حاضر طبی عملہ نا برخلاف سخت کاروائی کرسا ایکشن ہلنگے و ڈیوٹی کروک آ ڈاکٹرو طبی عملہ ءِ خبردار کننگے۔ او پارینے کہ مر انگا علاقہ غاتا ہسپتال آتیٹی ڈاکٹر آتا ساڑی گری آن ہمو جاگہ نا علاقہ نا اُلس نا طبی ویل آتے اوفتا ضلع ٹی ایسر مریک و اوفتے جانجوڑی نا آسراتی تیکن تینا ضلع غاتیان پیشن ہننگ نا گرج پیش بفک۔ او کل ہمو ڈپٹی کمشنر آتے ضلعی ہیڈ کوارٹر ہسپتال آتیٹی ڈاکٹر آتا حاضری و ساڑی گری ٹی پام کننگ کن المی گام گیج کننگ نا پارت کرے۔

(خ ن)