چوہدری شجاعت حسین مسلم لیگ ق ناپارٹی سروک پک

اسلام آباد : الیکشن کمیشن مسلم لیگ ق نا پارٹی سروک نا کیس انا ڈک فیصلہ ءِ بنفسا چوہدری شجاعت حسین ءِ پارٹی کماشی آ برقرار تخانے۔ سے شنبے نادے آ الیکشن کمیشن ڈک فیصلہ ءِ بنفسا پارے کہ چوہدری شجاعت حسین نا برطرفی پارٹی آئین نا متصادم ءِ۔ بنجائی وزیر چوہدری سالک حسین پارینے کہ ننے سرسہب کننگ آ اللہ تعالیٰ نا شکر ءِ ادا کینہ۔ سے شنبے نادے آ تینا ٹویٹ اٹی اوپاریکہ”پین پا کہ حق بس و باطل مش تا مس بے شک باطل ءِ مش تا مروئی ئس“۔ چوہدری سالک حسین پارے کہ اللہ تعالیٰ نا شکر ءِ ادا کینہ کہ او پاک ذات ننے سرسہب کرے۔ چودھری شجاعت حسین پارٹی نا مہالو ہم صدر ئس و داسہ الیکشن کمیشن ہم پک کرے۔

(اے پی پی)