خضدار‘ قومی شاہراہ تیا قیمتی جان تا زیان مننگ نا بابت سجفنگے‘ میر عبدالروف مینگل

خضدار: بی این پی نا بنجائی راہشون مسکوہی بنجائی اسمبلی نا باسک میر عبدالرف مینگل پارینے کہ قومی شاہراہ غا مروک آ شکست و دا شکست آتیٹی قیمتی جان تا زیان این ایچ اے نا چپی، ٹرانسپورٹر آتا لاپروائی،ڈرائیور آتا ترند چلیفنگ، مسافر بس آتیٹی خلوک آ ٹریکر آتا بدنی و سوراب آن ہلیس بیلہ اسکان موٹر وے پولیس نا عدم تعیناتی نا سوب آن مننگ اٹی ءِ۔ وخت اس کہ بچوک آ کسر قومی شاہراہ نا ارا کنڈی مفننگ آن پورو کرینے۔ حکومت مسافر آتا جان و مال نا رکھ ءِ کننگ کن گام گیج کننگے۔ کل مسافر کوچ آتا ڈرائیور آتے موٹروے پولیس نا کمک اٹ ٹرین کننگے۔

(آن لائن)