سبسڈی زوراک آک ہلنگ اٹی ءُ

اسلام آباد(آن لائن) وزیر اعظم عمران خان پارینے کہ سبسڈی نا مسخت غریب اُلس ءِ بڑز اتوئی ءِ ولے داڑے طاقت ور آ بندغ آک سبسڈی ہلنگ اٹی ءُ۔ یخ اٹ ہر وخت گیس انا کمتی تون مون تروئی تمک و سال آ دا چیلنج آک دوئی مریرہ، پیشن آن گیس اتسا بہا تو کننگ کپنہ، ننے سبسڈی نا وڑ اٹ فائدہ مریک و ننا قرض آتیٹی کارہ۔ اومیت ءِ کہ نن گیس انا ودکی ٹی سرسہب مرینہ، توانائی نا کاختی متوکہ اگہ نن معاملہ غاتیا بحث کرینہ، بدقسمتی اٹ ہچ ءُ قومی ویل اسے آ ہیت کننگتنے۔ بنجا صوبہ غاتے بساط نا رداٹ فنڈ ایتک۔ چین نا زرگزران و ادارہ غاتیٹی سرسہبی تا راز میرٹ ءِ، چین 20 سال نا  مرغن انگا ڈٹ جوڑ کیک، پاکستان اٹ بے کچ وسیلہ ءُ ولے داڑا کاریم کن مالو ہم سوچنگتنے۔ چین نا ودوک آ زرگزران نا رازنظام نا سوگوی ءِ، تدوک آ دے پیٹرولیم ڈویژن نا کنڈآن گیس نا ویل آتیا سیمینار آن تران کرسا عمران خان پارینے کہ سبسڈی نا مسخت غریب انگا بندغ آتا کمک مریک ولے داڑے سبسڈی ہمو بندغ آک ہلنگ اٹی ءُ ہرا مولو آن بھاز طاقتور ءُ، بنجا ہنداخس پیسہ صوبہ غاتیا بہا تو کننگ کپک، مالو وخت آ فیصلہ مفننگ آن صنعت آتیا باریم زیات مس، قومی مفاد نا رکھ ءِ کننگ کپنہ تو صوبائی مفاد ہم بیکار مریک، ای ایل پی جی گیس کاریم اٹ اتیوہ۔