خیبرپختونخوا ٹی مجبوری اٹ ایمرجنسی نافذ کننگانے، شہباز شریف

وزیراعظم شہباز شریف پارینے کہ خیبرپختونخوا ٹی مجبوری نا رد اٹ ایمرجنسی نافذ کننگانے، پاکستان تحریک انصاف نا مستین نا تاریخ بھاز خراب ءِ ہے و دا وار ہم اوفک کشت وخون نا ڈٹ بندی کریسر مذاکرات اٹی فیصلہ مسوسس کہ تحریک انصاف لانگ مارچ نا کال ءِ پدی ہلیک،ولے دن متو۔ وزیراعظم شہباز شریف گوجرانوالہ اٹی راشد بشیر ورک نا ہنکین آ سر مس، ہراڑے او محمود بشیر ورک انا زوال مننگ آ خاہوت تون است ہسونی نا درشانی کرے‘ و راشد بشیر ورک تون اوار ایلو خاہوت کن صبر انا دعا کرے۔ داوخت آ وزیراعظم پارے کہ ایماندار محمود بشیر ورک نا سیاست کن خذمت آتے مدام یات تخنگک او پارے کہ ہر انسان ءِ دا دنیا آن ہنوئی ءِ کس اسے مست و کس اسے پد اٹی‘ وزیراعظم شہباز شریف سیاسی باندات آہیت وگپ کرسا پارے کہ نواز شریف نا پندار کننگ نا باندات ا اسہ ساہت اسے کن ہم پین کس اکن سجفنگتنے۔