صوبائی مشیر مینا مجید بلوچ نا انسپکٹر جنرل پولیس بلوچستان محمد طاہر حیات تون اوڑدہی
Get real time updates directly on you device, subscribe now.
کوئٹہ، صوبائی سلاہکار گوازی و ورنا باندات مینا مجید بلوچ انسپکٹر جنرل پولیس بلوچستان محمد طاہر حیات تون اونا دفتر اٹی اوڑدہی کرے، ہراٹی مکران ڈویژن، خاص وڑ اٹ ضلع کیچ و پوسکن آ ضلع تمپ اٹی ٹرانسپورٹر آتا رکھ و پولیس اٹی ہندی ورنا تا بھرتی تتون تعلقدار باندات آ گپ وتران کننگا۔ اوڑدہی ٹی مینا مجید بلوچ کالعدم تنظیم تا کنڈ آن پوریاگر و ٹرانسپورٹر آتے بھتہ خوری و بھتہ تفننگ آ اوفتا گاڈی تے خاخر تننگ نا واقعہ غاتا مذمت ءِ کرسا پارے کہ دن انگا واقعہ غاتتیان خواری کش آتا زرگزرانی حالیت زہمی مریک انتئے کہ کیہی خاہوت آتا نا دارومدار اسہ گاڈی آ مریک۔