توشہ خانہ ریفرنس کیس‘ نوازشریف اشتہاری‘ زرداری آ ڈوہ بیٹ

اسلام آباد (آن لائن) احتساب عدالت اسلام آباد توشہ خانہ ریفرنس اٹ مسکوہی وزیراعظم میاں نوازشریف ءِ اشتہاری گوندا وخت اس کہ مسکوہی صدر آصف زرداری مسکوہی وزیراعظم سید یوسف رضاگیلانی،عبدالغنی مجید و انور مجید آ ڈوہ ءِ بیٹ کرے، دوبہ دار آک دوبہ غان نمن مسر، کیس انا سماعت احتساب عدالت نا جج سید اصغر علی کرے، آصف علی زرداری، عبدالغنی مجید و یوسف رضا گیلانی اسہ دوبہ دار اسے نا وڑاٹ عدالت نا مون آ پیش مس وخت اس کہ انور مجید نا وڈیو لنک نا کمک اٹ حاضری ءِ خلنگا عدالت نیب آن ہفت دے اٹ نواز شریف نا پراپرٹی نا تفصیل آتے بٹنگا تانکہ جائیداد نا ضبط کننگ نا بارواٹ کانود نا رداٹ کارروائی ءِ بنا کننگے سماعت نا وخت آ جج اعظم خان آصف زرداری نا وکیل فاروق ایچ نائیک تون مکالمہ کرے کہ نے چارج شیٹ ءِ خوانوئی ءِ تو خوان ہراڑا فاروق نائیک چارج شیٹ ءِ خوانا ہراتم فاروق نائیک چارج شیٹ ءِ خوانا تو جج اصغر علی پارے کہ  توشہ خانہ ریفرنس اٹ نواز شریف ءِ اشتہاری گوندنگک۔ آصف علی زرداری و یوسف رضا گیلانی، عبدالغنی مجید و مجید انور آ ڈوہ بیٹ مس ڈوہ نا بیٹ کننگ آن پد جج اصغر علی خان استفسار کرے کہ مگہ دوبہ دار آک دوبہ غان نمن مننگ اٹی ءُ؟ہراڑا دوبہ دار آک ڈوہ نا مننگ آن نمن مسر۔