بھارتی فوج انا بیداد، پاکستانی مننگ نا دوبہ خلسا 3 کشمیری شہیدکرے

سرینگر (آن لائن)بھارت کودک ءُ کشمیری خاہوت اسے آ بھلو بیدادی اس کرے۔ پاکستانی مننگ نا دوبہ خلسا 3 کشمیری تے شہید کرے۔ کشمیر میڈیا سروس نا رداٹ شہید کشمیری تا خاہوت آک پاریر کہ 18 سال نا ابرار کھٹانہ، 21 سال نا امتیاز احمد و 25 سال نا ابرار احمد ءِ 16 جولائی آ کاریم پٹنگ کن سری نگر آ ہننگ کن تینا اُرا تے آن پیش تماسُر، اوکان گڈ اوفتتون ہچ ءُ حال احوال اس متویسُس۔ کوزہ گیر آ بھارتی فوج پاریسُس کہ 3 ورنا 18 جولائی آ جھڑپ نا وخت آ خلنگانو۔ ظالم آ کوزہ گیر آ بھارتی فوج ہندا ہر مسٹ انگا ورنا تے کسفنگ آن پد تینٹ اوفتے دفن ہم کریسُس۔ پد آن ہندا شہید آتا فوٹو تے سوشل میڈیا آ خننگ آن پد اوفتا خاہوت والا تے سما تما کہ اوفتا چناتے شہید کننگانے۔ ہر مسٹ انگا شہید آ ورنا تا خاہوعت آک شاہدی نا وڑ اٹ شہید آتا ڈی این اے ٹیسٹ کرفنگ نا خواست کرینے۔ ایلو کنڈآ بھارتی میڈیا دروغ تڑسا تینا رپورٹ اٹ پارینے کہ بھارتی فوج مقبوضہ کشمیر نا علاقہ شوپیاں اٹ جعلی ءُ مقابلہ سے ٹی مسہ ورنا تے دہشت گرد پن کرسا ٹارگٹ کرے۔