اقلیتی برادری ملک انا شونداری و شونہالی ٹی اہم کڑد ادا کننگ ءِ،صدر علوی

اسلام آباد (اے پی پی) صدر مملکت ڈاکٹر عارف علوی پارینے کہ اینو نا دے نن دا عزم انا درشانی ءِ کینہ کہ راج اٹی سگ و رواداری نا رویہ ءِ برجاتخنگک، اقلیتی برادری ملک انا شونداری و شونہالی ٹی اہم کڑد ادا کننگ ءِ۔ اقلیت آتا دے انا وخت آ تینا کلہو اٹی صدر مملکت پارے کہ اینو نادے پاکستانی تاریخ اٹ خصوصی اہمیت تخوک ءُ دے اسے۔ دادے آنن تینا اقلیت آتتون روادری اٹ پیش بننگ نا دا وعدہ نا تجدید ءِ کینہ ہرانا درشانی ءِ قائد اعظم محمد علی جناح 11 اگست 1947ءآ پاکستان نا دستور ساز اسمبلی نا مون آ کریسس۔ ہندا اہمیت نا رداٹ 11 اگست آ اقلیت آتا دے ءِ سرکاری وڑاٹ اڈتننگک تانکہ اوفتا مذہبی آجوئی و راجی آسراتی ءِ مون آ دننگ دوئی مرے۔ اوپارے کہ اقلیت آتتون رواداری اٹ نئے بیرہ ننا راج اٹ اوار ءِ بلکن ننا مذہب اسلام ہم غٹ مذہب آتتون بردباری نا رغامک۔ خواجہ صلی اللہ علیہ و آلہ وسلم نا حیات طیبہ و حدیث آتیان ہم ننے اقلیت آتتون بریبری نا سلوک کننگ نا سبخ ملک۔ ریاست مدینہ، ہراننکن اسہ بے مٹ ءُ ریاست اسے نا حیثیت تخک ، ننے اقلیت آتتون بردباری و انصاف نا روایہ روا تخنگ نا سبخ ایتک۔ میثاق مدینہ ٹی، مدینہ ٹی رہینگوک آ غٹ مذہب آتا مخلوق ءِ اوفتا سیاسی ، راجی و زرگزرانی حق آتا ضمانت تننگا۔