ضلعی افسر آک الس نا ویل آتے ایسر کننگ کن دمدستی گام گیج کیر‘عبداللہ کھوسہ
Get real time updates directly on you device, subscribe now.
کوہلو (خ ن) ڈپٹی کمشنر کوہلو عبداللہ کھوسہ پارینے کہ الس نافائدہ تون گنڈوک جم ویل آتا ایسری ءِ اولیت ایتوہ‘ ضلعی افسر آک الس نا ویل آتے ایسر کننگ کن دمدستی گام گیج کیر‘ وزیراعلیٰ بلوچستان نا پرمان نارد اٹ محکمہ جانجوڑی و تعلیم اٹ گھوسٹ ملازم آتا اسکرونٹنی نا عمل ءِ زوت پورو کننگک۔ دا خیال آتا درشانی ءِ او تدوک آدے ضلعی ناظم جانجوڑی ڈاکٹر گہنور خان مری، ڈسٹرکٹ ایجوکیشن آفیسر امیر محمد کاکڑ وایلو ضلعی افسر و ڈل آتون ہیت وگپ کرسا کرے۔ دا وخت آ ڈپٹی کمشنر مستی پارے کہ السی نا فائدہ نا جم ویل آتے ایسر کننگ کن ضلعی انتظامیہ ناافسر آک غٹ دوئی وسیلہ غاتے کاریم اٹ اتیر تاکہ لس بندغ ءِ ضلعی انتظامیہ ناکنڈآن ہر وڑ انا کمک رسینگ کے۔دا وخت آ ڈپٹی کمشنر ضلعی ناظم جانجوڑی ءِ کیبی علاقہ غاتے ٹی الس ءِ جانجوڑی نا بنداوی آسراتی رسیفنگ کن خصوصی گام گیج کننگ نا پارت کرے‘ داوخت آ ایجوکیشن نا جعفر خان زرکون، بابو فرید مری، محمد طاہر مری، یوسف بلوچ وایلوفک ساڑی ئسر۔