چمن سیم انا ویل زوت ایسرکننگک‘ملک نعیم بازئی

کوئٹہ (خ ن) عوامی نیشنل پارٹی نا راہشون صوبائی سلاہکار ایکسائز اینڈ ٹیکسیشن ملک نعیم خان بازئی پارینے کہ چمن سیم نا بابت اے این پی نا صوبائی صدر اصغر خان اچکزئی بلوچستان اسمبلی ٹی تحریک جمع کرفینے ہراکہ شرہ کن منظور مسنے و پارلیمانی کمیٹی ہم دا ویل انا بارو اٹ وزیراعلیٰ بلوچستان جام کمال خان ءِ رپورٹ پیش کرینے ہراڑا الس نا فائدہ کن زوت فیصلہ کننگک۔ اوپارے کہ صوبائی اسمبلی نا زوت اٹ مروک دیوان اٹ مروک سیشن اٹ اپوزیسن نا باسک آک ہم تحریک نا مخ تفی ءِ کریرہ ولے کورم پورو مفننگ نا سوب آن دیوان ملتوی مس۔ صوبائی سلاہکار پارے کہ عوامی نیشنل پارٹی خدائی خذمت گار پارٹی ءِ و اودے بلوچستان نا ویل آتیان سماءِ ‘ ہندا سوب آن چمن سیم انا ویل انا بابت جہد کننگ اٹی ءِ و چمن نا الس ءِ باور کرفنگ ءِ کہ نن اوفتا گچین کروک نمائندہ ان اوفک نااومیت مفس‘ ساڑی صوبائی حکومت وزیراعلیٰ بلوچستان جام کمال خان نا کماشی ٹی صوبہ نا ویل آتے ایسر کننگ کن دے ونن کوشست کننگ اٹی ءِ و انشاءاللہ چمن سیم انا ویل زوت ایسر مریک۔