ہر حال اٹ ٹیل انا کشار آتسکان دیر ءِ سر کینہ‘عابد سلیم قریشی
Get real time updates directly on you device, subscribe now.
نصیرآباد (خ ن) کمشنر نصیرآباد ڈویژن عابد سلیم قریشی و ڈپٹی کمشنرحافظ محمد قاسم کاکڑ نا چاروکی ٹی ننکان پٹ فیڈر کینال اٹ غیرکانودی واٹر کورس آتا برخلاف کارروائی برجا سلیس‘ کیہی واٹر کورس آتے چٹفسا لولہ غاتے کشنگا و مشینری ءِ ضبط کننگا۔ داوخت آ تحصیلدار بہادر خان کھوسہ و ڈی ایس پی عبدالغفار سیلاچی ہم ساڑی ئس۔ داوخت آ افسر آتیان تران کرسا کمشنر نصیرآباد ڈویژن عابد سلیم قریشی پارے کہ غیرکانودی واٹر کورس آتے اسل سگپنہ‘ نن ہر حال اٹ ٹیل انا کشار آتسکان دیر ءِ سر کینہ‘ اندرون نا غٹ بزغر آتے محکمہ ایریگیشن نا کمک اٹ انصاف اٹ دیر تننگ انگ ءِ و ٹیل انا زمیندار تے اوفتا بشخ انا دیر انا فراوانی ءِ پک کننگ انگ ءِ‘ نن چنکا بزغرآ تون بیدادی ءِ اسُل سگپنہ‘ انصاف اٹ کشاری دیر ءِ بشخنگ اٹ زیات ڈغار آباد کننگ کن غٹ دوئی وسیلہ غاتے کاریم اٹ اتنگ انگ ءِ۔