ریال میڈرڈ نا لالیگا چمپئن مننگ چمپیئنز لیگ نا سرسہبی تیان بھلو خوشی اسے‘زیڈان

میڈرڈ (مانیٹرنگ ڈیسک) اسپین نا پنی آ فٹ بال کلب ریال میڈرڈ نا کوچ زین الدین زیڈان پارینے کہ ٹیم نا لالیگا چمپئن مننگ کنکن چمپیئنز لیگ اٹ پدریسہ مسٹ انگا سرسہبی آن بھلو خوشی اسے۔ میڈیا رپورٹ نا رداٹ ریال میڈرڈ تدوک آ دے اسپین نا کلب ولارئیل ءِ 1-2 اٹ بے سہب کرسا اسپینش لیگ لالیگا چمپئن مننگ نا اعزاز ءِ دوئی کریسُس۔ فرانس آن تعلق تخوک آ مسکوہی چمپئن گوازی گر زیڈان پارینے کہ ‘چمپیئنز لیگ تو چمپیئنز لیگ ءِ ولے دا لیگ کنے بھاز خوش کرینے انتئے کہ لالیگا جوان ءِ۔ او پارینے کہ نن ایلو ٹیم تیان زیات پوائنٹ دوئی کرینن و نن ہندن کرینن نشان تسونن۔ زیڈان پارینے کہ کنا پروفیشنل آزموندہ ٹی اینو نا دے جوان انگا دے تیان اسٹ اسے انتئے کہ دا لیگ ٹائٹل ءِ او پابندی تیان پد دا سرسہبی بھاز گچین ءِ۔ او پارینے کہ اگہ اسکواڈ اٹ اوار انگا کل بندغ آتا کوشست اوار متوکہ تو ریال میڈرڈ کن دا سرسہبی ممکن الو ہرافتے ٹی ہمو گوازی گر ہم اوار ءِ ہرا میچ گوازی کتو ولدا ہم او اوفتتون اوار ئس۔ زیڈان پارینے کہ کنے تینا کڑد ءِ ادا کروئی تمک۔ کنے گوازی گر تیا بھروسہ ءِ او ای اوفتے آن خوش اُٹ انتئے کہ او فٹ باؤلر آن مست بندغ ءُ او ہم جوان ءُ۔