فیفا20 جہانی فٹبال مقابلہ ٹی سعودی مسڑ اس اولیکو پوزیشن ءِ دوئی کرے
Get real time updates directly on you device, subscribe now.
ریاض(مانیٹرنگ ڈیسک) فیفا 20 جہانی فٹبال مقابلہ ٹی اسہ سعودی مسڑ اس اولیکو پوزیشن ءِ دوئی کرے، ٹورنامنٹ اٹی سعودی قومی ٹیم نا گوازی گر نجد جوان کارکڑد انا درشانی ءِِ کرے۔ حوال نا رداٹ یونی ورسٹی تا جہانی ای فٹبال مقابلہ ’فیفا 20‘ ٹی سعودی لڑکی نجد فہد اولیکو پوزیشن ءِ دوئی کرے، ہراڑا سعودی جامعہ غاتا اسپورٹس آرگنائزیشن نا چیئرمین ڈاکٹر خالد المزینی نجد فہد ءِ مبارک بادی تس۔ نجد فہد جہانی ای فٹبال مقابلہ ٹی سعودی جامعہ غاتا فٹبال ٹیم نا کنڈآن بشخ ہلکوسُس، سعودی گوازی گر جہانی اعزاز نا دوئی کننگ کن برازیل نا قومی ٹیم نا گوازی گر بتیستا ءِ فائنل اٹ 0 نا مقابلہ ٹی 8 گول اٹ بے سہب کرے۔ انٹرنیشنل ای فٹبال ٹورنامنٹ اٹی سعودی قومی ٹیم نا گوازی گر نجد فہد ارٹمیکو گروپ اٹ اوار ئس، دا گروپ اٹ آسٹریلیا، برازیل، زمبیا، متحدہ عرب امارات و انڈیا نا ٹیمک ہم اوار ئسر، نجد فہد ٹورنامنٹ اٹی جوان کارکڑد نشان تس۔ کوارٹر فائنل اٹ سویلی افریقی ٹیم نا گوازی گر ءِ 3 نا مقابلہ ٹی 10 گول، اوکان پد اماراتی گوازی گر مہا البریکی ءِ سیمی فائنل اٹ 1 نا مقابلہ ٹی 6 گول اٹ بے سہب کرے۔